Jurnalistlerniñ havfsızlığı olmağanı - matbuat azatlığınıñ eñ büyük telükesidir, dep tüşüne Harlem Desire, OSCE (Organization for Security and Co-operation in Europe, Avropada Havfsızlıq ve İşbirlik Teşkilâtı) teşkilâtınıñ azatlıq meseleleri boyunca vekili.
İyülniñ 4-ünde daimiy OSCE şurasınıñ ögünde mazuranen çıqışta bulunğanda, Desir: "Soñki yedi ay devamında bu bölgelerde eki jurnalistni öldürdiler, 92 ücüm yapıldı, 1 bombalav, 3 atuv, 7 yanğın çıqarıldı, 121 adam tutuldı/apis etildi", - dep beyan etti. Elâk olğanlarnıñ arasında - ukrain jurnalisti Vadim Komarov.
OSCE-de AQŞ delegatsiyası, Desirniñ işine qol tuttı ve OSCE azaları olğan memleketlerde söz azatlığı bozulğanınıñ ayrı-ayrı adiselerini qayd etti.
Hususan, AQŞ, jurnalist Vadim Komarovnıñ elâk olğanı içün OSCE-niñ qayğıruvına qoşuldı. "Komarov tuvğan Çerkassı şeerinde habarcılıq aqqında haber ete edi", - denile OSCE-de AQŞ-nıñ vaqtınca vekili Harry Camiannıñ beyanatında.
"Biz Ukraina halqınıñ ıntıluvına qol tutamız ve onıñ ölümini, em de başqa, Ukrainada alâ daa qabaatlısı tapılmağa jurnalistlerge ücümlerni, tafsilâtlı, diqqatnen tahqiq etmege çağırtamız", - dep qoşa Kamian Komarovnıñ davası aqqında.
Rusiye işğal etken Qırımda ve Rusiye nezaret etken Ukraina şarqında söz azatlığınıñ alı pek müşkül
"Biz bilemiz ki, Rusiye işğal etken Qırımda ve Rusiye nezaret etken Ukraina şarqında söz azatlığınıñ alı pek müşkül", - dedi AQŞ vekili.
"Ekiden ziyade yıl evelsi sebepsiz tutulğan Azatlıq Radiosınıñ jurnalisti Stanislav Aseyevni azat etmek, Rusiye ve Donbasstaki onıñ agentlerine muracaatıñızğa qoşulamız", - dedi Dezirge Kamian.
Bundan ğayrı, Kamian, Rusiyede jurnalistlerniñ "yahşı iş şaraiti" olğanınen razı olmağanını bildirdi, ve Rusiyede daima matbuat aqları bozula, dep qoştı.
Em de AQŞ, Rusiyede internette qullanıcılarnıñ aqları ve söz serbestligi sıñırlanğanından raatsız olğanını bildirdi, çünki bu adamlarnı, şu sıradan jurnalistlerni de havflı vaziyette qaldıra.
Matbuat serbestligi, halqara munasebetlerniñ havfsızlığına tesir ete, memleket başqalarnen işbirlik yapmaq azırlığınıköstere.
