Aqmescit suv anbarı, 2020 senesi avgust ayıQırım.Aqiqat keçken yıldan berli Qırım sakinleri yaşağan suv qıtlığı cografiyasını izlemege devam ete. Yarımadada, büyük şeerlerni suv ile temin etken suv anbarları pek tez saylaşa. Neticede, sakinleri keyfiyetli şirin suv elde etmek problemeri yaşaylar. Çoqu ümüt etken qış yağanaqları Qırım suv anbarlarınıñ vaziyetine tesir ettimi, yoqmı materialımızda tarif etemiz.
Bu materialnı Qırım.Aqiqat, muarririyet oquyıcıdan kelgen mektüpke cevap olaarq azırladı.
«Böyle-böyle bir özen ya da suv anbarı qurudı, böyle-böyle bir şeerde suv teminatı sıñırlandı, dep sıq-sıq eşitmek mümkün. Amma bazı vaqıtları bütün manzaranı añlamağa qıyın. Bu malümatnı haritada qayd etseniz ve arada-sırada onı yañartsañız, yahşı olur edi. Elbette, böyle işni yapmaq içün bayağı vaqıt kerek. Sağ oluñız. Ümüt etem ki, bu siziñ içün yerine ketirile bilgen bir vazifedir ve Qırım aqqında malümatnı böyle formatta da körip olacaqmız», – dep yazıla mektüpte.
Evel, yarımada haritasında özenler nasıl qurup, yoq olayatqanları aqqında tarif etken edik.
Şimdi ise, qurğaqlıq çoq yıl devamında yarımadanıñ bölgelerini suv ile temin etken suv anbarlarına nasıl tesir etkenini kösterecekmiz. Al-azırda, olardan çoqu saylaştı ya da tam şekilde qurudı.
Aqmescit suv anbarından nasıl marum qaldı
Aqmescitte ve onıñ civarındaki bölgelerde ilk emiyetli suv meseleleri keçken sene yazda peyda oldı. Suv anbarları farığanı sebebinden şeer ve Aqmescit rayonında sentâbr ayından başlap suvnı cedvel boyunca bereler – saba ve aqşam üçer saat.
Bundan soñ aynı vaziyet Bağçasaray ve Bağçasaray rayonında oldı.
Aqmescit ve onıñ civarındaki mesken yerler evel üç suv anbarından suvnen temin etile edi: Ayan, Aqmescit ve Partizan. Amma, bu suv anbarlarında suv seviyesiye kritik belgisine daa keçken sene küzde yaqınlaştı.
Aqmescitni suvnen temin etmek içün, Taygan ve Qarasuvbazar suv anbarlarından ve yerli Biyuk-Qarasuv özeninden suvnı pompalamaq içün ve suv yolu borularını toşemek içün Rusiye ordusı cel etildi.
Bundan ğayrı, Aqmescitniñ ihtiyacaların temin etmek maqsadınen memurlar Bağçasaray rayonındaki Bürlükniñ ve Aqmecitteki İvanovkanıñ quyularından suvnı qullandılar.
Memurlar ve Aqmescit sakinleri, Qırım havuzlarını toldurmaq kerek olğan qış yağanaqlarına ümüt ettiler. Amma Aqmescit suv anbarına bu yardım etmedi. Bu suv anbarında aman-aman suv yoq, dep haber etti «Voda Krım» başı Vladimir Bajenov.
Qırımlı bloger Zair Bakkal yaqınlarda bu suv anbarına barıp keldi ve vaziyet fena olğanı aqqında ayttı.
Böylece, Aqmescit eñ müim suv arteriyasından marum qaldı ve şimdi o yerastı quyulardan suvnen temin etile.
Suv Qırımnıñ Cenübiy yalısından kete
Martnıñ başında Qırımnıñ Rusiye ükümetiniñ mesken-kommunal hocalıq nazirligi Aqmescit ve Zagorsk suv anbarlarında suv qalmağanı aqqında haber etti. Zagorsk ve Sçastlivenskoye suv anbarları yıllar devamında Yalta ve Bağçasaraynı suvnen teimin ete edi.
Suv qıtlığı sebebinden bu bölgelerde de bir qaç aydan berli suvnı cedvel boyunca bereler. Yılnıñ başında sıñırlavlar vaqtınca lâğu etilgen edi.
Yaltanıñ Rusiye memuriyetiniñ başı Yanina Pavlenko Qırımda küçlü qar yağması sayesinde suv anbarları bir qaç million kub metr suv ile tolacağını bekledi. Amma onıñ ümütleri kerçekleşmedi. Martnıñ başında Yaltada suv kene cedvel boyunca berilip başlandı, saba ve aqşam üçer saat.
Şimdiki vaqıtta Zagorsk ve Sçastlivenskoye suv anbarlarındaki suv eñ çoq üç ayğa yete bile, dep haber ettiler yerli memurlar.
Bundan ğayrı pek az suv Aluştanı suvnen temin etken Körbekül suv anbarında.
Yerli memuriyetniñ başı Galina Ognevanıñ malümatına köre, fevral ayında suv anbarlarında 12,6 million metr kub yerine 2,8 million metrb kub suv qalğan.
Qarasuvbazardaki suv qıtlığı
Qırımnıñ Rusiye akimiyetiniñ malümatına köre, Qarasuvbazar rayonınıñ çoqraqları – Balanovsk ve Taygan suv anbarları ölü kölemge yaqınlaşalar.
Последнее, как уже говорилось, несколько месяцев служило источником воды для Симферополя. За это время в город из источников Белогорского района перекачали более шести миллионов тонн воды, заявили в Минобороны России.
Soñkisi bir qaç aydan berli Aqmescitni suvnen temin etti. Bu vaqıt devamında şeerge Qarasuvbazar rayonından altı million tonnadan ziyade suv pompalap çektiler, dep bildirdiler Rusiye Mudafaa nazirliginde.
Şimdiki vaqıtta pek qıyın vaziyet Zuya qasabasında ve Qırım gülü köyünde.
Aqyarnıñ ümüdi
Aqyarnıñ alâ daa stabil bir suv teminatı çoqrağı yoq. Anda keçken yıldan berli pek tez Qaraozen suv anbarı saylaşa. Şerniñ Rusiye valisi Mihail Razvojayev, yanvar ayında küçlü yağanaqlar sayesinde qavuzlar 100 biñ metr kub suv ile tolğanını bildirdi.
Aynı zamanda, onıñ bildirgenine köre, şeerni suvnen temin etmek içün yerastı suvlarnıñ qıdıruvı şimdilik neticesizdir.
Martnıñ başında Qırımnıñ Gidrometmerkezi suv anbarlarınıñ toldurılması aqqında haber ettiler. Tolğan suv anbarları arasında Qaraozen, Qarasuvbazar, Aqmescit, Sçastlivensk ve Partizansk.
Amma buña baqmadan akimiyet Qırımda suv berilüv cedvellerini lâğu etmey. Ve suvnı iqtisatlı olaraq qullanmağa çağıralar.
Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.
Qırımdaki suv yedekleri suv anbarları ve yerastı çoqraqlardan toldurıla. Ekologlarnıñ aytqanına köre, yerastı çoqraqlarnıñ muntazam sürette qullanılması yarımadada topraqnı tuzlattı. Qırım akimiyeti yarımada sakinlerini suvnı az qullanmağa çağıra.
2020 senesi Qırımdaki suv teminlevi vaziyeti kritik oldı. Qırımlı alimlerniñ bildirgenine köre, yağanaqlar yağmağanı içün ve qar az yağğan qış neticesinde qurğaqlıq oldı.
Avgustnıñ soñunda Aqmescitte, Aqmescit ve Bağçasaray rayonlarında suv berüv cedvelleri kirsetilgen edi. Daa soñra Qarasuvbazarda, Qarasuvbazar rayonında ve qısmen Aluştada cedveller kirsetildi.
Kreml kontrolindeki Qırım yolbaşçısı Sergey Aksenov Rusiye Qırımnıñ suv teminlevini fevqulâde vaziyet olaraq tanıması mümkün, dep ayta. O, 2020 senesi 150 yıl içinde eñ quru oldı, dep bildirdi.
Rusiye akimiyeti yañı suv boruları, suv qoralarınıñ quruluvına ve quyu qazıluvına milliardlarnen ruble ayırdı.
BM Ukraina Monitoring missiyası, halqara uquqqa köre, Rusiye Qırım ealisini suvnen temin etüvden mesüliyetli ola, dep israr ete.
Resmiy Kyiv, Şimaliy-Qırım kanalından suv yarımadağa tek Qırım işğalden qurtarılğan soñ berilecek, dep bildire.
