Rusiye akimiyetiniñ YouTube videohostingine irişimini sıñırlamaq teşebbüsi işğal etilgen Qırımda memnüniyetsizlik çıqara. Buña açıq-açıq qarşı çıqqan qırımlı apiske oğradı. Böylece insanlarnıñ azatlığını alalar degen laflarını kimligi belli olmağan insanlar videoğa çıqardı, soñra bu video cenkke qoltutuv saifelerinde peyda oldı. Devamında ne oldı Qırım.Aqiqat maqalesinde tarif etemiz.
YouTube Rusiye propagandasını tarqatqan akkauntlarnı kütleviy şekilde silgen soñ Rusiye akimiyeti irişimini blok etti. Rusiyeliler ve işğal etilgen Qırım sakinleri artıq YouTube videolarını baqıp olamay. Bu aqta tafsilâtlıca Qırım.Aqiqat daa evel yazğan edi.
Qırımda YouTubeni blok etüv memnüniyetsizliginen bağlı qavğası aqqında peyda oldı. Qurman Qara Asan (Rovnoye) köyünde buña qarşı çıqqan yerli sakin tutulıp apiske alındı.
«Kimden qorqasıñız? Putindenmi?»
56 yaşında Suleyman Yusupov Qırım yarımadasınıñ merkezinde çöl agrar rayonında yaşay. Rusiye İç işler nazirligi Qırım baş idaresiniñ Ekstremizm ile küreş merkeziniñ hadimleri tarafından tutuldı, dep haber ete cenkke qoltutuv saifeleri.
Ne içün YouTube söndürildi? Er kes YouTubeta, bütün dünya. Bütün dünyanı YouTubeta köremizSuleyman Yusupov
Gece çıqarılğan video peyda oldı. Anda kim olğanını añlaması zor olğan kişi gizli video çıqarğan gençlernen laf ete. Videodaki adam Rusiye akimiyetiniñ YouTube «yavaşlatuv» teşebbüsine qarşı çıqa.
«Azatlıq olsun. Ne içün YouTube söndürildi? Er kes YouTubeta, bütün dünya. Bütün dünyanı YouTubeta köremiz. 60 yaşıma kelecem, YouTubeni begenem. Şimdi YouTubemni söndürgenler. Azatlığıñıznı öldüreler. Azatlıq! Ne içün indemeysiñiz? Neden qorqasıñız? Kimden? Bu olmaycaq Putindenmi? O, qart, yarın öler», – dep ayta videodaki adam.
Bundan soñ cenkke qoltutqan kefeli bloger Aleksandr Talipovnıñ «Krımskiy SMERŞ» Telegram kanalı özüni Suleyman Yusupov olaraq tanıtqan qırımlı kâğıttan metin oqup, Rusiye prezidetine qarşı aytqanları içün afu sorağan ve sarhoş olğanda aytqan videonı derc etti.
İstep afu soradımı belli degil.
«Ukrayinağa qoltutqanı içün açıq sürette afu soramağa mecbur etilgen er dördünci qırımlı aşalandı», – dep bildire İrade Qırım aq qorçalayıcı teşebbüsi, yerli propaganda saifeleri ve mediada derc etilgen yüzlernen video baqıp.
Qırımda Ukrayina tarafdarlarınıñ menlik duyğusını aşalav kütleviy şekilde ola, sistematikZMINA
«Aq qorçalayıcılar toplağan delillerden añlaşılğanına köre, bazı qaydlar uquq qoruyıcı qurulışlarnıñ binalarında yapıldı. Çıqarğan hulâsalarına köre, Qırımda Ukrayina tarafdarlarınıñ menlik duyğusını aşalav kütleviy şekilde ola, sistematik ve şablon usullarnen yapıla (adiy lafqa tabiiy olmağan uquqiy metin oqutıla). Bu Ukrayinağa qoltutqanını köstergen insanlarnı toqtatmaq ve vatandaşlarnı qorquzıp, böyle fikirlerniñ artmasına mania olmaq içün yapıla», – dep bildire tedqiqat neticelerini ZMINA aq qorçalayıcıları.
Rusiye uquq qoruyıcı organlarınıñ resmiy resursları Suleyman Yusupov tutulğanını bildirmey.
Mahkeme qararı
Qırım.Aqiqat irişken malümatqa köre, tutulğan qırımlınıñ davasını avgustnıñ soñunda Rusiye kontrolindeki Qurman rayon mahkemesi baqtı. Oña memuriy ceza berildi.
Qadı Sergey Proskurnâ qırımlını Rusiye Federatsiyası Memuriy uquq bozuvları kodeksiniñ 20.1 maddesiniñ 1-inci qısmına istinaden (kiçik yaramazlıq) qabaatladı.
На сайте говорится о двух административных взысканиях в отношении Сулеймана Юсупова. Но какие именно, не уточняется.
По данным провоенных пабликов, крымчанин арестован на 10 суток.
Saytta Suleyman Yusupovğa qarşı eki memuriy ceza aqqında aytıla. Amma tam olaraq malümat berilmey.
Cenkke qoltutuv saifeleriniñ malümatına köre, qırımlı 10 künge apiske alındı.
Suleyman Yusupovnıñ taqip etilüvinen bağlı fikri belli degil. Qırım.Aqiqat onıñnen bağlanıp olamadı. Muarririyet qırımlığa ve vekillerine söz bermege azır.
Qırım.Aqiqat elde etken malümatqa köre, 2018 senesi Suleyman Yusupov cemaat içinde sarhoş alda küfür etkeni ve polis hadimleriniñ tenbilerine qulaq asmağanı içün memuriy mesüliyetke çekilgen edi. O vaqıt oña Rusiye Memuriy kodeksiniñ 20.1 maddesiniñ 1-inci qısmına istinaden 500 ruble para cezası berilgen edi.
Mahkeme qararında qırımlı çalışmay, dep aytıla. O, qabaatını tanığan ve bir daa yapmaycaq, dep vade etken edi, dep aytıla mahkeme qararında.
2024 senesi iyünniñ 25-nde Avropa İnsan aqları mahkemesi «Ukrayina Rusiyege qarşı» devletlerara davasında Rusiye muvaqqat işğal etilgen Qırımda ve Aqyarda öz qanuncılığını sebepsiz şekilde teşkil etti, halqara uquq ve insaniyetlik qaidelerini, insan aqları ve esas serbestliklerini qorçalav şartnamesini bozıp areket etti, dep qarar çıqardı.
Rusiye Tış işler nazirligi Avropa mahkemesiniñ bu qararı «Moskva içün qanun ceetinden boş, Rusiye onı qanun ceetinden tanımay ve onı ömürge keçirmeycek», dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
Qırımnıñ Rusiye tarafından işğal etilüvi
2014 senesi fevral ayında Qırımda işaretsiz urbada silâlı insanlar peyda oldı. Olar Qırım Yuqarı Şurası, Aqmescit ava limanı, Keriç parom keçiti, diger strategik obyektlerni zapt etip, Ukraina ordusınıñ areketlerini blok etken edi. Rusiye akimiyeti bu insanlarnıñ Rusiye ordusınıñ arbiyleri olğanını başta inkâr etken edi. Daa soñra Rusiye prezidenti Vladimir Putin bular Rusiye arbiyleri olğanını tanıdı.
2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti Vladimir Putin martnıñ 18-nde Qırımnıñ Rusiyege «qoşulğanını» ilân etti.
Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
