Sudaq civarında "Solneçnıy kamen" pansionatı yanında sentâbr 18-inde "VAZ" ve Datsun maşnaları uruştı, bunıñ neticesinde eki adam yaralandı. Bunı Qırım FVN-niñ matbuat hızmeti bildire.
"Qaza yerinde Qırım FVN-niñ hadimleri Datsun maşnasından aydavcını evakuatsiya yaptı, soñra oña ilk tibbiy yardım yapıldı ve o ekimlerge berildi. VAZ maşnasınıñ aydavcısını daa evel, qurtarıcılar kelmezden evel o yerde olğan adamlar evakuatsiya yaptı ve ekimlerge berdi. Yol qazası neticesinde aydavcınıñ ekisi de "Sudaq şeer hastahanesine qoyuldı", - denule beyanatta.
Saq rayonında sentâbr 9-ında Yañı Qarağurt (Mitâyevo)-Bay Geldi (Trudovoye) yolunda eki yengil maşna çatıştı, qaza neticesinde eki adam elâk oldı.
Qurtarıcılar, qazağa oğrağan adamlarnı Saq hastahanesine qoyulğanını bildirdi.
