Avgust 15-inde Qırımda pek sıcaq olacaq, ava arareti +34 derecege qadar köterilecek. Bunı yarımada gidrometeomerkezi bildire.
Sinoptiklerniñ tahminlerine köre, Aqmescitte deñişici bulutlılıq. Yağanaqlarsız. Şimal-şarqiy yel 8-13 m/s. Ava arareti kündüz 30…32º.
Aqyarda deñişici bulutlılıq. Cenüp-ğarbiy yel 5-10 m/s. Ava arareti kündüz 28…30º.
Qırımnıñ cenübiy yalısında deñişici bulutlılıq, yağanaqlarsız. Cenüp-ğarbiy yel 8-13 m/s. Ava arareti kündüz 29…31º.
Keriçte az bulutlı, yağanaqlarsız. Şimal-şarqiy yel 12-15 m/s. Ava arareti kündüz 30…32º.
Sinoptikler, Qırımda bu künleri +36 derecege qadar sıcaq ola bile ve kündüz ava arareti maksimumğa yete bile, dep haber ete yarımada gidrometeomerkezi.
Daa evel qurtarıcılar fevqulâde yanğın telükesini ilân etti.
