Yaqın künlerde Qırımda fevqulâde yanğın telükesi beklenile, bundan sebep bir qaç yasaqlar ilân etildi. Bunı Rusiye FVN-niñ Qırım idaresi bildire.
"Qırımnıñ gidrometeorologiya ve tabiat monitoringi idaresiniñ malümatına köre, avgust 15-17-sinde Qırımda fevqulâde yanğın telükesi beklenile", - denile beyanatta.
Müessisede, yarımada sakinlerine, dağda, tereklerniñ ve quru otnıñ yanında ateş yaqmaq, manğal qullanmaq yasaq, dep bildirdi.
Bundan ğayrı yüksek yanğın telükesi sebebinden yanğınğa oğraması mümkün olğan yerler yanında ateş yaqmağa, mangal qullanmağa, tütün içmege, yanğan sernik taşlamağa, pirotehnik mahsullarnı qullanmağa, benzin, kerosin ya da diger yanğan madde ile yağlanğan şeylerni qaldırmağa, küneş tüşken orman alanlarında şişe, diger çöplükni qaldırmağa, terek tübünde, alanlarda ot yaqmağa yasaq etile.
