Salı künü, noyabr 26-sında Qırım asıllı ukrain rejissör Oleg Sentsovğa, Frenkistannıñ Strasburg şeerinde Avropa parlamentinde Saharov adına mukâfat berilecek.
Merasim, oturış zalında keçece, bundan evel kündüz Sentsov anda çıqışta bulunacaq.
Qırım.Aqiqat, tedbirni canlı yayınlacaq.
Tünevin ukrain rejissör Avropa parlamentiniñ tış işler boyunca komitetinde çıqışta bulundı.
Keçken sene Oleg Sentsov Saharov mukâfatınıñ laureatı oldı. Rusiye onı apiste tutqan edi. Onıñ yerine mukâfatını qız qardaşı Natalya Kaplan ve advokatı Dmitriy Dinze alğan ediler.
1988 senesinden berli Avropa parlamenti Saharov mukâfatını insan aqları ve fikir serbestligini qorçalağan insan ve teşkilâtlarğa bere.
