İlhaq etilgen Qırım kelecek yılda yollarnıñ tamiri ve rokonstruktsiyasına 1,8 milliar ruble ala bile. Bu aqta “Krım” radiosı efirinde Qırımnıñ rusiyeli başı Sergey Aksönov bildirdi.
“Havfsız keyfiyetli yollar”. Bu programmağa binaen biz yollarnıñ tamiri ve rekonstruktsiyasına 1.8 milliard ruble ala bilemiz. 2024 senesine qadar yollarnıñ 40 %-ını normağa uyğan alğa ketirmek içün. Bu şeerara, köyara yollar”, - dedi Aksönov.
Dekabr 29-da Qırımda yañı “Tavrida” yolunıñ Aqmescitten (Simferopol) Qarasuvbazarğace (Belogorsk) qısmını açtılar. Dekabr 30-ında yol areketi içün “Tavrida” yolunıñ daa eki qısmını - Qarasuvbazardan Kefegece (Feodosiya) - açmağa niyetlenile. Dekabr 31-inde Kefeden Keriçke yol açılacaq.
Böylece, yılnıñ soñunace “Tavrida”nıñ Keriçten Aqmescitkece 190 kilometrlik yol qısmını (qurulışnıñ birinci basamağı) açmağa niyetleneler. Yañı trassanıñ eki yolağı olacaq.
