Künniñ başından ukrain polisi, saylavlarnen bağlı 25 aziza qabul etti, dep bildire Ukriana İçki İşler Nazirligi, bildire Radio Svoboda.
Beyanatqa köre, Kyivde - yedi ariza, Zakarpattâ vilâyetinde - dört, Kırovoğrad - üç ve Vınnıtsâ, Sumı, Odessa, Çerkassı vilâyetlerinde - birer.
Qanun qoruyıcılar, arizalarda eñ çoq qanunsız agitatsiya, saylavcılarnıñ reyleriniñ satın aluvı, bülletenlerni süretke çeküv ve bülletenlerniñ saylav bölüginden alıp çıquvı aqqında bildirile.
Martnıñ 31-inde Ukrainada prezident saylavları keçe. Bu yer içün 37 namzet küreşe. Saylav bölükleri öz işini saat 8:00-da başladı ve 20:00-ğace çalışacaq. Ukraina prezidenti saylavları umumiydir. 18 yaşına kelgen bütün Ukraina vatandaşlarınıñ rey berüv aqqı bar. Saylavda iştirak etmek içün saylavcınıñşahsiyetini tasdıqlağan vesiqa olmalı. Merkeziy saylav komissiya, saylav neticelerini aprelniñ 10-unace ilân etmek kerek. Saylavnıñ birinci basamağında ğalebe qazanmaq içün bir de bir namzet 50%-dan reyni almaq kerek. Öyle birisi olmasa, saylavnıñ ekinci basamağı aprelniñ 21-inde keçirilecek. Qırımlılar qıta Ukrainada rey bere bile.
