Saq rayonında sentâbr 9-ında Yañı Qarağurt (Mitâyevo)-Bay Geldi (Trudovoye) yolunda eki yengil maşna çatıştı, qaza neticesinde eki adam elâk oldı. Bunı Qırım boyunca Rusiye FVN-niñ idaresi bildirdi.
"Qaza yerine kelgende, VAZ-2105 ve Peugeot Partner maşnaları uruşqanı belli oldı. Yol qazasınıñ neticesinde 5 adam yaralandı. Yazıq ki, VAZ-2105 maşnasınıñ aydavcısı ve yolcusı yaralarından can berdi", - denile beyanatta.
Qurtarıcılar, qazağa oğrağan adamlarnı Saq hastahanesine qoyulğanını bildirdi.
