Ukrainağa qarşı sanktsiyalar, Aksenovnıñ yañı muavinleri ve Oleg Sentsovnıñ alı. Keçken künniñ eñ müim mevzuları ve adise-vaqiaları aqqında tarif etemiz.
Qısqadan
Oleg Sentsov mektüp yazıp, alı «eyileşkenini» bildirdi, dep haber etti Rusiye aq qorçalayıcısı Nikolay Şçur.
Ukraina sıñırcıları: Qırımğa ve Qırımdan yolcularnıñ sayısı ep eksile.
FSB, yarımadada «Ukraina silâlı birleşmesiniñ azası» tutulğanını bildirdi.
Almaniya baş naziri Angela Merkel Kyiv’ni ziyaret etti.
«Kimni qorqutasıñız…»
Rusiye 322 Ukraina vatandaşına qarşı sanktsiyalar kirsetti. Olarnıñ arasında – siyasetçi, cemaat erbapları, medeniyet erbapları ve 69 Ukraina şirketi. Cedvelde olğan qırımlılar arasında Mustafa Cemilev, Refat Çubarov, Yuliy Mamçur bar (cedvel mında bar).
«Bu yararlıqlarnıñ neticesi olsa, cedvel tolu degildir» – ukrain içtimaiy ağları bunıñnen bağlı şaqa, quvanç ve istizalarnen toldı.
Aksenovnıñ «adamları»
Qırımnıñ problemli iqtisadiyat saaları ve Federal maqsat programmasından artıq Qırım deputatı Yevgeniy Kabanov ve maliye naziri İrina Kiviko mesüliyetli olacaqlar. Olar Sergey Aksenovnıñ muavinleri olaraq tayin etildi.
Yañı ıntıluv
Qırımda «devletleştirilgen» müessiseni satmağa tırışalar. Laf Ukrainağa ait altı devlet müessisesi aqqında kete. Jurnalist Valentina Samar qayd ete ki, yarımadada mal-mülkniñ bölünmesi devletleştirüv sayılamaz, buña Rusiye qanunları bile zıt kele.
Qırım ekspert merkeziniñ yolbaşçısı Aleksey Starodubovnıñ fikirince, Ukraina akimiyeti Qırımdaki müessiseleri içün daa faal küreşmek kerek, dep tüşüne.
Kelecegi olmağan Qırım
Rusiye Qırımnıñ yalı boyunı UNESCOnıñ Rusiye mirası cedveline kirsetemez, dep yaza Vitaliy Portnikov. Onıñ fikirince, rusiyelilerni Qırım Moskva ya da Voronej kibi Rusiye toprağı olğanına işandıracaq olalar.
«Qırımnıñ Rusiye Federatsiyasınıñ bir qısmı olaraq tanılmaması, Rusiyeniñ yarımada işğali sebebinden inkişaf etmege imkânsız olğanı – UNESCO ya da başqa bir teşkilâtnıñ problemi degil. Köremiz ki, Rusiyeniñ problemi ola. İlk evelâ da Qırımnıñ problemi ola, çünki işğalci onıñ kelecegini tutıp aldı», – dep qayd ete közetici.
Bağçasaraynıñ eski şeerinden küz fotoresimlerimizni baqıñız.
Салачик под дождем: капризы осени в бахчисарайском Старом городе (фотогалерея)
