Qırım qurtarıcıları, çarşenbe künü noyabr 27-sinde yarımadada havflı ava şaraiti olacağı aqqında haber etti.
"Noyabr 27-sinde Qırımda, cenübiy tsiklon keçecegi içün, bazı yerlerde küçlü sağanaqlar, bora, iyi burçaq ve 25 m/s qadar küçlü yel tahmin etile. Ayrı qasabalarda dumanlı olacaq", - denile Rusiye FVN-nin Qırım idaresiniñ beyanatında.
Bundan sebep müessise, yürek ve astma hastalıqları olğan adamlarğa duman vaqtında tışarığa çıqmamağa, piyadelerge pek mıqayt olmağa, aydavcılarğa süratnı azlaştırmağa tevsiye ete.
Tünevin Rusiye FVN-niñ Qırım idaresi, yüksek yanğın telükesi sebebinden furtuna ihtarını ilân etti, o, yarımadada raatlıq künlerinece sürecek.
