Rusiye FVN-niñ Qırım idaresi, yüksek yanğın telükesi sebebinden noyabr 26-sında furtuna ihtarını ilân etti, o, yarımadada raatlıq künlerinece sürecek.
Bunı müessiseniñ saytında bildireler.
"Qırım gidrometeorologiya ve etraftaki müit monitoringi idaresi"niñ malümatına köre, noyabr 27-29-ında Qırımnıñ orta ve şarq rayonlarında yüksek yanğın telükesi rejimi qalacaq" - denile FVN-niñ beyanatında.
Bundan sebep, yanğın telükesi olğan vaqıtta ateş yaqmaq, manğal ve patlav aletleri qullanmaq, yanğan sernik taşlamaq ve terek tübündeki otlarnı yaqmaq yasaq. Bundan ğayrı, orman alanlarında ve dağda sigaret içmek, yanğan sernik ve sigaretlerni taşlamaq, küneşli yerde şişe, cam parçalarını ve başqa çöplükni qaldırmağa yasaqlana.
Bundan evel Qırım qurtarıcıları, yarımadada noyabrniñ 26-sınace yüksek yanğın telükesi olacağını bildirgen edi.
