Herson vilâyetinde "Kalançak" kiriş-çıqış noqtasında Rusiye vatandaşı Qırımğa kirmek içün ukrain sıñırcılarına qarab bermege tırıştı. Bunı Ukraina Devler Sıñır Hızmeto bildire.
Rusiyeli qadınnı koronavirus infektsiyası içün karantin berilgeni içün yarımadağa keçmege razı olmadılar. Bundan soñ o sıñırcılarğa 100 AQŞ dollarını teklif etti.
Sıñırcılar qabarnı red etti ve Cinaiy Kodeksiniñ 369 maddesine köre qanun bozuqlığı olğanı aqqında Milliy politsiyağa haber etti.
Ukraina ükümetiniñ nevbetten tış toplaşuvında işğal etilgen Qırım ve Herson vilâyetiniñ memuriy sıñırındaki bütün kiriş-çıqış kontrol noqtalarınıñ işini yañıdan başlatmağa qarar alındı. Ukrainanıñ vaqtınca işğal etilgen topraqlar ve reintegratsiya meseleleri nazirligi bildirgenine köre, iyünniñ 15-nden itibaren «Kalançak», «Çonğar» ve «Çaplınka» keçiş noqtaları işine yañıdan başladı.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
