Qomşu Rusiyeden Qırımğa uçqan altı uçaqnı Anapa ve Krasnodar aerodromlarına yolladılar. Daa eki uçaqnı lâğu ettiler, dep bildire ava limanınıñ matbuat hızmeti.
Ava limanınıñ online cedveline köre, beş uçaqnıñ kelmesi keçke qala, bir uçaq lâğu etildi. Doquz uçaqnıñ ketmesi keçke qala, bir danesiniñ - lâğu etildi.
Daa evel Rusiye FVN-nin Qırım idaresi, noyabr 27-sinde Qırımda, cenübiy tsiklon keçecegi içün, bazı yerlerde küçlü sağanaqlar, bora, iyi burçaq ve 25 m/s qadar küçlü yel tahmin etile ve ayrı qasabalarda dumanlı olacaq, dep bildirdi.
Daa evel çarşenbe künü, noyabr 27-sinde qomşu Rusiyeden Aqmescit ava limanına kelgen uçaqlar keçke qala, dep bildirile edi.
