Tünevin Rusiyede, resmiy malümatqa köre, koronavirus infektsiyasından 188 adam vefat etti - bu bütün epidemiya vaqtında eñ yüksek köstergiçlerden birisi ve soñki ayda eñ yüksek köstergiçtir. 20 adam Moskovada, 50-den ziyade adam Sankt-Peterburgda vefat etti, bildire Azatlıq Radiosı.
Ölgenlerniñ umumiy sayısı 9 biñge yaqınlaştı.
Tünevin umumen 6852 yañı adise qayd etildi. 9 biñden ziyade adam yahşı oldı.
Qırımda iyün 26-sında COVID-19 hastalığı sebebinden bir adam vefat etti, infektsiyadan ölgen adamlarnıñ sayısı 26-ğa keldi.
yün 26-sında Qırımda eki yañı koronavirus adisesini qayd ettiler.
Hatırlatamız, iyün 25-inde işğal etilgen Qırımda altı yañı koronavirus hastası qayd etildi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
