Link açıqlığı

Saatnıñ esas haberi

Rusiye ve Ukraina içün München konferentsiyasınıñ neticeleri


ABD, Rusiyeni Ukrainağa qarşı siyaseti ve halqara meydanda başqa areketleri içün cezasını çekmege mecburlay, dedi Münhen (München) konferentsiyasında havsızlıq boyunca ABD prezidentiniñ muavini Mayk Pens (Mike Pence). Bundan ğayrı, Ukraina prezidenti Petro Poroşenko, Rusiye ukrain deñizcilerni zapt etkeni içün sanktsiyalarnıñ “azaq paketi”ni qabul etmege amerikan senatnı çağırttı.

Rusiye Tış İşler Naziri Sergey Lavrov, öz nutqunda umumiy avropa evi ğayesi aqqında ayta edi, Avropanı coyğan fırsatları içün tenqit etti, ve bundan ğayrı ABD ve Avropa Birligini “tarih aqımına qarşı yaldamaqnı toqtatmaq” çağırttı. Rusiye TİN-niñ vekili, “sıñırsız rusiye havfı” aqında efsanelerge aytındı, onıñ alâmetlerini er yerde tapmağa tırışalar dep ayta: Brekzitte katalon referendumına qadar.

“Strategiya XX” globalistika merkeziniñ başı Mıhaylo Ğonçar, Münhen konferentsiyasını büyük meselelerniñ çezme usulı kibi körmemek teklif ete.

Qırım mevzusı halqara kün tertibinden yoq olmağanı pek müim
Mıhaylo Ğonçar

- Bu açıq subet konferentsiyası olmaq kerek edi, amma öyle olmadı. Dünyanıñ siyasiy başı olıp kecken vaqialarnı - Rusiye,1975 senesinden Helsinki aktınen pekitilgen dünya nizamınınıñ bozğanını añlatıp olamay. Rusiye, Ukrainağa qarşı tecavuz etip, halqara uquqnı ayaq astına aldı, ve er kes ne yapmalı sualinen tüşüncege daldı. Münhen konferentsiyası daa çoq muzakere yeri. Amma Rusiye bir qaç yıl devamında yapmağa tırışqanına baqmadan, Qırım mevzusı halqara kün tertibinden yoq olmağanı pek müim. Münhende bu esas mevzu olmadı, amma ne ise.

Mıhaylo Ğonçar
Mıhaylo Ğonçar

Mıhaylo Gonçar, Rusiyeniñ Azaq deñizde tecavuz areketlerine cevap olaraq ğarbiy sanktsiyalar olacağından emin.

- Bazı fikirlerge köre, eñ küçlü sanktsiyalar tamam bu yıl olacaq, çünki bu yıl MH17 davasınıñ tedqiqatı bitecek ve Solsberide olğan vaqialarğa nisbeten yañı malümat peyda olacaq. Lavrov, oña has olğan sovet diplomatiya üslübinde, amerikanlarnıve Ğarpnı qabaatlamağa tırışa. Bu dünya nizamı ve raketa Añlaşmasınen bağlı, sanki er şeyde amerikalılar qabaatlı. Bunıñ içün, Rusiyeniñ, Avropanıñ özünde tecavuz areketlerinden soñ, bu Añlaşmanıñ rejiminiñ bozulması kün tertibinde peyda olur dep tüşünem.

Fevral 16-sında Ukraina prezidenti Petro Poroşenko Amerika prezident muavini Mayk Pensnen körüşüvi aqqında jurnalistlerge bunı aytıp berdi:

“O eñ başında ABD içün Ukraina - müim strategik ortaq olğanını qayd etti. Biz mudafaa saasında olarnen işbirlikke ümüt etemiz. Keric boğazındaki tecavuzğa cevabımıznı da muzakere ettik. Bundan ğayrı ileride ilân etilecek sanktsiyalarnı ve olarnıñ Avropa sanktsiyalarınen uyğunlığını da laf ettik. Aytqanım kibi, kelecek afta müsbet cevapnı bekleymiz”.

(Metinni Vladislav Lentsev azırladı)

XS
SM
MD
LG