"Grand Servis Ekspress" Rusiye şirketi, yarımadağa yañı yöñelişlerge bilet satılıp başlağanını haber etti.
Taşıyıcınıñ matbuat hızmetiniñ malümatına köre, "Moskova-Aqyar" poyezdi iyül 14-ünden soñ eki künde bir yürecek. Seyaatnıñ uzunlığı 36 saat. Poyezdniñ kupe, platskarta ve SV vagonları bar. "Moskova-Kezlev" poyezdi iyülniñ 15-inden soñ qatnap başlaycaq, eki künde bir yürecek. Seyaatnıñ devamlığı 35 saat olacaq.
Şirket, iyül 18-inden soñ "Aqmescit-Yekaterinburg" ve "Yekaterinburg-Aqmescit" poyezdleri eki kere sıqça yürecegini bildirdi.
Rusiyeniñ "Yujnaya" taşıyıcısı şirketi, aprel ayında Qırımda "Aqyar - Aqmescit - Kezlev" ekspress poyezdiniñ yürip başlaycağını ilân etken edi.
İyünniñ 30-ında Keriç köpründen yük poyezdleriniñ yürmesini başlandı.
