Ukraina prezidenti Volodımır Zelenskıy, Rusiye işğal etilgen Qırımdan Ukraina sıñırı ve vaqtınca işğal etilgen topraqlardan ordusınıñ keri çeküv esnasında tek 3,5 biñ askerini çıqarğanını bildirdi.
«Şu on biñ adam (Ukrainanıñ işğal etilgen topraqlarında rusiye askerleri – QA) ve tehnikadan biz ve bizim istihbaratımız, arbiylerimiz qayd etemiz ve köremiz ki, işğal etilgen Qırımdan tek 3,5 biñ asker çıqarıldı. Başqa bir yerde bir şey deñişmedi. Pek yavaş kete esnas, şunıñ içün telüke bar. İç bir kimse sürpriz istemey», – dedi Zelenskıy mayısnıñ 6-nda Entoni Blinken ile körüşken soñ.
Volodımır Zelenskıy, mayısnıñ 6-nda ABD Devlet kâtibi Entoni Blinken ile körüşüv vaqtında Ukrainanıñ vaqtınca işğal etilgen topraqlarını, şu cümleden Qırımnı muzakere etkenlerini bildirdi.
ABD arbiyleri Rusiye ordusınıñ Ukraina sıñırlarından ve işğal etilgen Qırımdan kiri çekilme esansını közete, amma bu mesele ile bağlı soñ neticeler bermege daa azır degiller. Bunı aprelniñ 23-nde Pentagonnıñ memurına atfı etip, haber etti Reuters agentligi
Hatırlatamız, Rusiye Mudafaa nazirligi, Qırımdaki talimlerde iştirak etken soñ Rusiye Qara deñiz flotunıñ 20-den ziyade gemisiniñ daimiy yerleşme yerlerine qayttı, dep iddia ete.
Aprelniñ 22-nde, cumaaqşamı künü, Rusiye Mudafaa nazirligi Rusiye arbiy idaresiniñ başı Sergey Şoygunıñ da iştiragı ile «türlerara talimler» keçirdi. O, Cenübiy ve Ğarbiy arbiy bölglerden arbiy talimlerniñ yekünlenmesi ve ordunıñ daimiy yerleşme yerlerine keri çekilmesini de bildiri. Rusiye Mudafaa nazirligi, Rusiyeniñ cenübindeki ve işğal etilgen Qırımdaki talimlerde iştirak etken quvetlerniñ daimiy yerleşme yerlerine qaytmağa başlağanlarını bildirdi.
Soñki aftaları Ukraina ve ğarbiy ittifaqdaşları 2014 senesinden berli Ukrainanıñ şarqiy sıñırlarında, işğal etilgen Qırımda, Qara ve Azaq deñizlerinde Rusiyeniñ asker sayısı iç olmağanı qadar arta, dep bildire. Moskva, Rusiye ordusınıñ Rusiyede (olar Ukrainağa ait Qırımnı da sayalar) areket etmesi diger memleketlerni, hususan Ukrainanı qasevetlendirmemeli, dep qayd ete.
