Qırımda Rusiye arbiy komissarlıqlarınıñ hadimleri nevbetteki seferberlik dalğasına azırlanalar. Bunı Facebookta Ukrayina Silâlı Quvetleriniñ Baş ştabı haber ete.
Malümat olğanı kibi, Keriçte devlet müessiselerinden askerlikke mecbur olğan şahıslarnıñ malümatı teñeştirile
Bundan ğayrı, Ukrayina Silâlı Quvetleriniñ Baş ştabı Rusiye ordusı Herson vilâyetiniñ işğal etilgen qısmında "filtratsiya tedbirleri" arttırılğanını bildire.
"Herson vilâyetiniñ muvaqqat işğal etilgen topraqlarında duşman filtratsiya tedbirleri"ni arttırdı. Hususan da, Geniçesk şeerinden kiriş-çıqış noqtalarında işğalciler yerli sakinlerniñ bütün naqliyat vastalarını, vesiqalarnı ve cep telefonlarını teşkere", - dep yazıla bildirmede.
Baş ştabda qayd ettiler ki, Rusiye ordusı Hersonnıñ yaqında işğalden azat etilgen qısmını ateşke tutmaqnı devam ete.
Noyabrniñ 18-nde Qırımnıñ Rusiye yolbaşçısı Sergey Aksönov Qırımda istihkam inşaatlar qurulğanını tasdıqladı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
