Qırımnıñ Rusiye yolbaşçısı Sergey Aksönov Qırımda istihkam inşaatlar qurulğanını tasdıqladı.
"Qırımnıñ topraqlarında menim nezaretim altında istihkam işler keçirilmekte, olarnıñ maqsadı qırımlılarnıñ telükesizligini temin etmek", - dedi Aksönov.
Tafsilât belli degil.
İstihkam inşaatlar - ordunı ve ealini mudafaa etmek ve silâ ve arbiy tehnikanı semereli qullanmaq içün qurulğan inşaatlar.
Sentâbrniñ 11-nde Ukrayina Silâlı Quvetleriniñ Baş ştabı, Rusiye ordusı Dnipronıñ sol yalısında ve işğal etilgen Qırımnıñ şimalinde istihkam inşaatlarnı mükemmelleştirgenini bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
