Rusiye iyülniñ 21-ne keçer gecesi Odesa vilâyetiniñ cenübine kene «Kalibr» raketalarınen ücüm etti. Eki insan yaralandı. Patlav neticesinde cam parçalarından yaralandı. Bu aqta vilâyet memuriyetiniñ yolbaşçısı Oleg Kiper bildirdi.
Onıñ malümatına köre, eki raketa Odesa vilâyetiniñ agrar müessiselerinden birinde aşlıq terminalına oğradı. 100 tonna nohut ve 20 tonna arpa yoq etildi.
Ukrayına Silâlı quvetleriniñ «Cenüp» operativ komandanlığınıñ vekili Natalâ Ğumenük bildirgenine köre, «Kalibr» raketaları Qara deñizdeki gemiden uçurıldı. Onıñ aytqanına köre, Rusiye arbiyleri raketalarnı qıyın kurstan ve alçaq yükseklikte uçurdı, şunıñ içün tapıp yoq etmege qıyın edi, dep bildire UNIAN.
Rusiye dört künden berli Odesadaki liman infrastruktura obyektlerine darbe endirip, bunı iyülniñ 17-nde Qırım köpründeki patlav içün «ceza» dep adlandıra.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
