Rostov-na-Donudaki Cenübiy bölgeniñ arbiy mahkemesinde "Qırım musulmanları davası"nıñ mabüsi Azamt Eyupovğa üküm çıqardı. O, 17 yıl sert apis cezasına mahküm etildi, dep haber ete "Qırım birdemligi" cemaat birleşmesi.
"Mahkemeciler Aleksey Magomadov, Vladimir Tsıbulinskiy ve reislik yapqan Kirill Kravtsov Azamat Eyupovnı terroristik teşkilâtnında faaliyet etmekte qabaatlı tanıp 17 yıl sert apis cezasına mahküm etmege qarar berdiler. Apis müddetiniñ ilk üç yılını daa sert şaraitte keçirmek kerek olacaq, soñra qalğan cezasını çekmek içün cezahanege etap etilecek", - dep yazıla bildirmede.
2021 senesi fevralniñ 17-nde saba erte yarımadanıñ bir qaç rayonında Rusiye quvetçileri musulmanlarnıñ (ekseriyeti qırımtatarı ola) evlerine keldi. «Qırım birdemligi» birleşmesiniñ faalleri Qırım.Aqiqatqa bildirgenine köre, İçki rayonında Mamamadinov Abdulbori, Qarasuvbazarda Azamat Eyupov, Aqmescitte Yalkabov Timur, Bağçasarayda İbragimov Ernest, Bağçasarayda Fedorov Oleg, Aqmescitte Seydametov Lenur ve Aqyarda Şihametov Yaşarnıñ evinde tintüv keçirildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
