Rusiye ordusı Keriç köprüni aviatsiya yardımınen qorçalay, dep bildirdi Ukrayina Arbiy deñiz quvetleriniñ spikeri Dmıtro Pletentçuk.
"Anda faal areketler (köprüniñ qoruvı içün — QA) daimiy sürette keçirile. Bu, elbette, ilk evelâ Rusiye aviatsiyasınıñ areketleridir, olar ukrayin patrul uçaqlarını qıdıralar ve, bu sebepten, bu obyektni qorumaq içün anda bulunalar, diger obyektler kibi. Suvdan devriye kösterip olamağanları içün bunı ava qısmı ile qoparalar. Qalğan qısımlar ise çalışıp tura", — dep qayd etti o ukrayin milliy telemarafonı efirinde
Pletençuknıñ aytqanına köre, şimdiki vaqıtta Rosgvardiya temsilcileri köpürni pek qoruy, onıñ üzerinde devlet sıñırından keçüv rejiminde keçeler.
Bundan evel Mariupol şeer yolbaşçısınıñ mesleatçısı Petro Andreşçenko, Rusiye akimiyeti Keriç köpründe yürüv qaidelerini sertleştirdi, dep bildirdi. Onıñ aytqanına köre, köpürden tahminen 10 km uzaqlıqta REB çalışıp başlay ve GPSni boza. Bundan da ğayrı, arabalar, sıñırdan keçkende olğanı kibi, teşkerilmek kerek. Eki variant bar: skaner ve el teşkerüvi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
