Rusiyeniñ Belgorod vilâyetinde yapılğan nevbetteki ava ücüminiñ neticesinde zarar körgenler yoq, lâkin energetik infrastruktura zarar kördi, dep bildirdi bu Rusiye regionınıñ gubernatorı Vâçeslav Gladkov kiçik aynıñ 15-nde aqşam.
«Предварительно, серьезные повреждения нанесены объектам энергетической инфраструктуры. Аварийные и оперативные службы выясняют масштаб повреждений. Информация о последствиях уточняется», – написал чиновник в 21:47.
"Energetik infrastruktura obyektlerine ciddiy zarar ketirildi. Fevqulâde vaziyetler hızmeti ve operativ hızmetler zarar miqdarını ögreneler. Neticeler aqqında malümat daa da aydınlatıla", — dep yazdı memur 21:47-de.
"Pepel-Belgorod" telegram kanalınıñ malümatına köre, raketalar Belgorod TES ve "Frunzen" elektrik stantsiyasına ücüm etti.
"Altstantsiyanıñ nasıl zararlar körgeni belli degil, amma Belgorod ve Belgorod rayonında darbeler vaqtında büyük bir blakaut olmadı", — haberde qayd etile.
Ukrayina arbiyleri Rusiye haberlerini şimdilik izaatlamadı.
Rusiye arbiyleri aman-aman er kün Ukrayinadaki energetika obyektlerine ücüm ete, şunıñ içün farqlı regionlarnıñ, şu cümleden Kıyivniñ, sakinleri yarıqsız, bazıda ise qızdıruvsız ve suvsuz qala. Soñki aylar devamında Rusiyeniñ bazı vilâyetlerinden, misal içün Belgorod vilâyetinden de, bunıñ kibi haberler kele.