Cuma künü, iyül 19-da, Rusiye arbiyleri Mıkolayivdeki bala meydançığına raketalarnen ücüm etti, dep bildirdi Ukrayina prezidenti Volodımır Zelenskıy telegramda.
"Rusiyeniñ Mıkolayivge raketa darbesi. Bala meydançığında, adiy bir evniñ yanında", — dep yazdı o.
Devlet yolbaşçısı hatırlattı ki, şimdilik beş yaralanğan ve üç ölü aqqında belli, olarnıñ arasında bala bar.
"Rusiye er künki terrorı ile oña yapılğan basqı yeterli olmağanını isbatlay. Yaşayışnıñ böyle yoq etilmesi toqtatılmalı. Saqlavımıznı desteklemek içün yañı qararlar kerek. Rusiye barışıqnıñ küçüni is etmesi kerek", — dep qayd etti Ukrayina prezidenti.
Rusiye arbiyleri iyülniñ 19-nda Mıkolayivge ücüm etti. Şeerde ava telükesi vaqtında mesken mikrorayonğa darbe endirildi. 3 adamnıñ vefat etkeni belli, olarnıñ arasında bir bala bar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
