Rusiye arbiyleri kiçik aynıñ 16-na keçken gecesi Ukrayinağa dört "Cirkon" gemi yoqeter raketasınen, "İskander-M" ballistik raketasınen, X-31P idare etilgen aviasiya raketasınen ve bir qısmı ilhaq etilgen Qırım territoriyasından uçurılğan 62 ücüm uçucısız ile ücüm etti, dep bildirdi Ukrayina Ava quvetleri.
Saat 9-da berilgen ilk malümatqa köre, ava mudafaası eki gemi yoqeter raketanı ve 52 duşmannıñ Shahed, Gerbera, Italmas ve diger dronlarını urıp tüşürdi, dep aytıla haberde.
Ava quvetleriniñ malümatına köre, sekiz yerde bir raketa ve doquz ücüm uçucısız urulğanı qayd etildi, eki yerde ise parçalar tüşti, daa üç raketa aqqında malümat alına.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.