Rusiye dronu Qara deñizde vatandaş gemisine urdı, dep bildirdi saban ayınıñ 5-nde Odesa vilâyetiniñ arbiy memuriyetiniñ yolbaşçısı Oleg Kiper.
Onıñ sözlerine köre, pilotsız uçaq, Panama bayrağı altında olğan gemige Çernomorsk limanından çıqqan vaqıtta urğan.
"Gemi mısır taşıy edi. Ücüm neticesinde ekipaj azası zarar kördi. İnsanlarğa yardım kösterüv ve tahliye tedbirleri keçirildi", — dep qoştı o.
Qara qış ayında cemiyetler ve topraqlar inkişafı naziri Oleksiy Kuleba Rusiye arbiyleri Ukrayina yalısında eki vatandaş gemisine ücüm etkenini bildirdi.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.