Rusiye ükümeti martnıñ 18-inden başlap mayısnıñ 1-ine qadar çetel adamları ve vatandaşlıqsız adamlar içün kirişni sıñırlamağa qararını aldı.
Bu beyanat Rusiye ükümetiniñ saytında derc etildi.
"Çetel adamları ve vatandaşlıqsız adamlar içün Rusiyege kirişni vaqtınca - yerli vaqıtnen martnıñ 18-i saat 00:00 başlap yerli vaqıtnen mayıs 1-isi saat 00:00 qadar sıñırlamağa qararını aldıq", - denile beyanatta.
Martnıñ 12-sinde Dünya sağlıq teşkilâtı koronavirus pandemiyasını ilân etti.
Yañı çeşit koronavirus yuqunçı 2019 senesi dekabr ayında Qıtayda tarqalıp başladı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
