Qırımda rusiyeli Ğalebe kününi tantanalı şekilde qutladılar. Amma, qırımlılarnıñ içtimaiy ağlarda tefsirlerine köre, çoqusı bu künde bayram yapmaq degil de, o deşetli cenkniñ qurbanlarını hatırlamaq istey.
Qırım şeerlerinde tantanalı merasimler adet olğan stsenariyge köre keçti: Rusiye arbiy tehnikası iştiraginen paradlar ve “Ölümsiz polk” aktsiyası çerçivesindeki yürüşler.
Muzakere iştirakçileri, Ğalebe kününiñ ticaretleştirüvine diqqat ayıra.
Mayıs 9-ına gece Aqyarnıñ Mamaşay (Orlovka) köyünde yüz berge adise, tefsircilerge pek timsaliy köründi. Anda bilinmegen insanlar, cenkte elâk olğan qırımtatar askerleriniñ adlarınen yaqında tiklengen hatıra taşını darma-dağın etti.
Qırılğan hatıra...
Ğaliba, faşistler sadece yañı şekilni aldı...
Olar sadece bizim umumiy ğalebemizni özümsidi.
Darma-dağın etilgen mezarlıqlar, qırılğan baştaşlar, resimlengen cami qoraları, qırılğan ve uçurımdan (Eklizi Burun) atılğan qırımtatarlarnıñ sürgünligi qurbanlarınıñ abidesi. Endi ise bu, cenkte elâk olğan qırımtatarlarğa bağışlanğan añma taş.
Buña er vaqıt vandallıq dep aytalar. Böyle bir maqsatlı, hucur vandallıq. Yani çapqınlıq. Amma, unutmayıq ki, onıñ içün iç bir vaqıt iç kimse cezalanmay. Amma men bunı çapqınlıq saymayım. Böyle 2004, 2015, 2019-da edi. Bundan evel de edi.
Amma bazıları niayet añlamaq kerek ki: biz ÖZ vatanımızdamız. Mında yaşadıq em de yaşacaqmız, inşallah. Ve böyle küfür şeyler, sadece kimer qomşularımıznıñ aqılı faqır ve sıñırlı olğanını köstere. İnkişaf etiñiz.
Sanki hucur bir şey yapıldı dep baqmaqtan vazgeçiñ! Normal Qırım. Normal 2019-ıncı. Normal qırımlılar. Normal faşistler.
Tefsircilerniñ çoqusı bu künde bayram yapmaq degil de, o deşetli cenkniñ qurbanlarını hatırlamaq istey.
Qaar ve Hatıra künü. Bu künge bayram ve şenlik layıq degil.
Evimde fişenk patlavını ve Lenin meydanında adamlarnıñ qıçırğanını eşittim.
Bugün men bütün kün ekskursiya keçire edim ve cenk aqqında tarif ete edim.
Kerçekten aytsam, şimdi sessiz olmaq isteyim.
Ebediylikke dalğan adamlarnıñ qaari ne qadar büyük olğanını hatırlayım.
Elâk olğan ve ketkenlerni añayıq…
Bu közyaşlı bayram…
Barışıqnı saqlayıq
Mında yazılğan bütün şey açıq menbalardan alındı
