Yuqarı Rada, Ukraina ve Türkiye ükümteleri arasında qırımtatar halqınıñ temsilcileri ve Ukraina vatandaşlarınıñ imtiyazlı kategoriyaları içün ev inşası saasında işbirlik içün bir çerçive añlaşmanı tasdıqladı. Qanun leyhasına 333 millet vekili qoltuttı, dep haber ete «Ukrinform» .
Qayd etilgeni kibi, vesiqa Türkiye tarafından qırımtatar halqı ve Ukraian vatandaşlarınıñ imtiyazlı kategoriyaları içün 500 ev inşası yolu ile qaytarılmaz yardımnıñ berilmyesini közde tuta. Mıkolayiv şeerinde 200 ev, Hersonda 200 ev ve daa 100 ev Kyivde.
Çerçive añlaşmasınıñ ömürge keçirüvi çerçivesinde qurucılıq işleri içün kerek olğan mallar, teçhizatlar ve qurucılıq tehnikası bergilerden, gümrük alımlarında ve Ukrainada milily qanunlarğa köre alınğan diger ödevlerden azat etile.
Mıkolayıvde qırımtatarlar ve imtiyazları olğan insanlar içün 200 daire 2021 senesiniñ soñunda qurulıp başlaycaq, dep bildirdi Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ matbuat hızmeti.
Aprelniñ 10-nda Oleksiy Reznıkov ve Türkiye çevre ve şeercilik naziri Murat Kurum bir añlaşma imzaladılar. Oña binaen, Türkiye tarafı qırımtatar halqınıñ vekilleri ve imtiyazları olğan insanlar içün mesken quruvında yardım etecek. Programmağa köre 500 daire qurulacaq: Mıkolayıv şeerinde – 200 daire, Herson şeerinde – 200 daire ve Kyiv şeerinde – 100 daire.
Türkiye, Ukrainanıñ Rusiye ile zıddiyetinde Ukrainağa qol tuta, amma Moskvağa qarşı ğarbiy sanktsiyalarğa qoşulmadı. Türkiye, Ukrainanıñ suvereniteti ve topraq bütünligine qol tuta ve qırımtatarlarnı qoruy.
Aprelniñ 10-nda Oleksiy Reznıkov ve Türkiye çevre ve şeercilik naziri Murat Kurum bir añlaşma imzaladılar. Oña binaen, Türkiye tarafı qırımtatar halqınıñ vekilleri ve imtiyazları olğan insanlar içün mesken quruvında yardım etecek. Programmağa köre 500 daire qurulacaq: Mıkolayıv şeerinde – 200 daire, Herson şeerinde – 200 daire ve Kyiv şeerinde – 100 daire.
Türkiye, Ukrainanıñ Rusiye ile zıddiyetinde Ukrainağa qol tuta, amma Moskvağa qarşı ğarbiy sanktsiyalarğa qoşulmadı. Türkiye, Ukrainanıñ suvereniteti ve topraq bütünligine qol tuta ve qırımtatarlarnı qoruy.
Qırımnıñ Rusiye tarafından işğal etilüvi
2014 senesi fevral ayında Qırımda işaretsiz urbada silâlı insanlar peyda oldı. Olar Qırım Yuqarı Şurası, Aqmescit ava limanı, Keriç parom keçiti, diger strategik obyektlerni zapt etip, Ukraina ordusınıñ areketlerini blok etken edi. Rusiye akimiyeti bu insanlarnıñ Rusiye ordusınıñ arbiyleri olğanını başta inkâr etken edi. Daa soñra Rusiye prezidenti Vladimir Putin bular Rusiye arbiyleri olğanını tanıdı.
2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti Vladimir Putin martnıñ 18-nde Qırımnıñ Rusiyege «qoşulğanını» ilân etti.
Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
