Ukraina Yuqarı Radası birinci muzakeresinden soñ Ukrainağa qarşı istilâdan zarar körgen siyasiy mabüsler ve qorantalarını içtimaiy ve uquqiy qoruv aqqında №6104 qanun leyhasına qabul etti. Vesiqağa 328 millet vekili qolututtı, dep haber ete Qırım MC-deki Ukraina prezidentiniñ daimiy temsilciligi.
№6105 qanun leyhasınıñ añlatuv tezkeresinde vesiqa Ukraina cinaiy uquq bozuvları Kodeksine Ukrainağa qarşı silâlı istilâ neticesinde şahsiy azatlıqtan marum etüv meseleleri komissiyasınıñ qanuniy talaplarına riayet etmeme içün mesüliyet aqqında yañı 188-57 maddesini ilâve etmege teklif ete, dep añlatıla.
Ukraina Yuqarı Radası Rusiye işğal etken Qırımda qırımtatarlarnıñ aqlarını qoruv Ukraina-Türkiye komissiyasını qurmağa teklif etken edi.
Ukrainağa qarşı istilâdan zarar körgen siyasiy mabüsler ve qorantalarını içtimaiy ve uquqiy qoruv aqqında üç qanun leyhası Yuqarı Radağa berildi. Teşebbüsçisi Ukraina prezidenti Volodımır Zelenskıy olğan №6104, 6105 ve 6106 qanun leyhalarınıñ metinleri Ukraina Yuqarı Radasınıñ saytında derc etildi.
Halq deputatı Rustem Umerovnıñ bildirgenine köre, №6104 qanun leyhası «Ukrainağa qarşı silâlı zıddiyet neticesinde azatlıqtan marum etilgen şahıs statusını aluv mehanizmini qolaylaştırmağa ve siyasiy mabüs ve qoranta azalarınıñ qoşma içtimaiy ve uquqiy kefaletlerini kirsetmege» teklif ete.
Ukraina prezidenti Volodmır Zelenskıy, Türkiye Kyivniñ azat etmege tırışqan siyasiy mabüslerniñ cedvelini Rusiye tarafına bergenini bildirdi.
