Ukraina prezidenti Volodmır Zelenskıy, Türkiye Kyivniñ azat etmege tırışqan siyasiy mabüslerniñ cedvelini Rusiye tarafına bergenini bildirdi. Bunı devlet başı «Jurnalistlerniñ 30 suali» matbuat marafonı vaqtında ayttı
«Siyasiy mabüslerniñ cedveli Türkiyege berilgen. Yaqınlarda Erdoğan ile laf ettim. Kontakt gruppaları seviyesinde RF prezidenti ile körüşüv vaqtında cedvel Rusiye tarafına berildi. Oña teşekkür etmege isteyim, bunı yapqanı içün, o umumen soradı, amma qırımtatarlarnı ayrıca qayd etti, çünki onıñ içün bu şahsiy mesele. Cevap bekleymiz, amma o alâ daa yoq», – dedi Zelenskıy.
Ukraina devlet başı, siyasiy mabsülerniñ azat etilüv meselesi Jo Biden tarafından Vladimir Putin ile kelece körüşüvi zamanı köterilecegini bekley.
