Martnıñ 20-nde işğal altındaki Qırım ve Aqyarda 417 insan koronavirus sebebinden tibbiy nezaret altında qala. Bu aqta Qırımdaki Rospotrebnadzor idaresiniñ matbuat hızmeti bildirdi.
«20.03.2020 tarihinde 417 insan tibbiy nezaret altında buluna, monitoring devamında yañı koronavirus yuqunçı (COVID-19) tedqiqi 1187 insanğa yapıldı, laborator tedqiqlerinde müsbet netice çıqmadı», – dep aytıla haberde.
Berilgen malümatqa köre, yarımadanıñ tibbiy müessiselerinde «telükeli memleketlerden kelgen keskin virus yuqunçı alâmetlerinen» 21 insan buluna.
Qırımda ilk koronavirus hastası bar dep tasdıqladılar.
Martnıñ 19-nda Qırımdaki Rospotrebnadzor idaresi, yarımadanıñ tibbiy müessiselerinde «telükeli memleketlerden keskin virus yuqunçı alâmetlerinen» 18 insan buluna, dep bildirgen edi.
Qırımda koronavirus şübhesi ile evde nezaret altında bulunğan insanlarnıñ sayısı arttı. Qırımnıñ Rusiye sağlıq naziri İgor Çemodanovnıñ malümatına köre, ekimler 286 insannıñ alını kontrol ete, 22 insan hastahanelerde buluna.
Aqyarda martnıñ 21-nde 11 hasta infektsion hastahanede tibbiy nezaret altında buluna, 123 insan evde nezaret altında qala.
