Link açıqlığı

Saatnıñ esas haberi

Qırımda hastahane ve «Tavrida» yolundan ğayrı bütün qurucılıq toqtatıla


Aqmescit ve Bağçasaray arasında «Tavrida» yolunıñ qurucılığı
Aqmescit ve Bağçasaray arasında «Tavrida» yolunıñ qurucılığı

İşğal etilgen Qırımda devlet sımarışçıları, qurucılıq meydançıqları, şahsiy şirket işleri ve bütün qurucılıq-tamir işleri aprelniñ 6-na qadar yasaqlandı. Tamir etilgen hastahaneler ve «Tavrida» yolu istisna olğanlar.

Bu aqta Qırımnıñ Rusiye baş naziriniñ muavini Yevgeniy Kabanov bildirdi.

«Eminim ki, mecburiy tedbirler federal maqsad programması boyunca işlerniñ kerçekleştirüvine pek tesir etmeycek. Karantin tedbirleri bitken soñ işimizni tezleştirip, coyğan vaqtımıznı toldurırmız. Al-azırda Qırım cumhuriyetiniñ ükümeti qırımlı qurucılarğa yardım tedbirlerini azırlay», – dedi Kabanov.

Memurnıñ aytqanına köre, iş bergenler işçilerini aylıqlarını saqlap yibermeli.

Aprelniñ 1-nde belli organına köre, Qırımda 2902 insan tibbiy közetüv altında buluna, bir künde 196 kişi daa qoşuldı. 66 insan hastahanede buluna.

Qırım ve Aqyardaki Rospotrebnadşçor idaresiniñ yolbaşçısı Natalya Penkovskayanıñ qayd etkenine köre, eki kişi özüni tecrit etüv rejimini bozğanı içün Kezlevge observatorğa mecburen yolladılar.

Martnıñ 31-nde saba Rusiye kontrolindeki Qırım yolbaşçısı Sergey Aksenov koronavirus yuqunçına oğrağan ekinci yerli insan tasdıqlandı, dep bildirdi. Böylece, Qırımda 16 kişi qayd etildi. Olardan 14-ü kelgenlerde, ekisi – yerli. Aqyarda 5 kişi koronavirusnen hastalandı.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG