Tbiliside ziyaretnen bulunğan NATO Baş kâtibiniñ Cenübiy Kavkaz ve Merkeziy Asiya meseleleriden mahsus temsilcisi Ceyms Appaturay, ittifaq Qara deñizde bulunuvını devam etecegini ve bu bölgede ortaqlarınen işbirlikni pekitecegini bildirdi.
Böyle o, Gürcistannıñ «Birinci kanalına» Rusiyeniñ işğal etkenn Qırım yalısında Büyük Britaniya eskadron mina taşıyıcısı ile yüz bergen adiseni tefsir etti, dep haber ete «İnterfaks Ukraina».
«Gemiler qatnavı serbestligine ve Qırım, Rusiye degil Ukraina olğanı meselesine kelgende NATO-nıñ qatiy mevamı bar. Bu adise yüz bergende NATO-nıñ ortaqları men aytqan printsiplerniñ qorunmasınada sarsılmamazlıq kösterdiler», – dedi o.
Appaturay, Rusiye «NATO ortaqları bu meselede keri çekilmecegini añlamalıdır», dep saya. Aynı zamanda o, Rusiyeni «bölgedeki turğunlqnı bozmağa devam etkeninen» qbaatladı.
«Rusiye Qırımnı silâlandırmağa devam ete, bu gemiler qatnavını müşkülleştirgen raketalar da», – dedi NATO temsilcisi.
O qayd etti ki, «NATO ortaqlarını ve ittifaqlarını desteklemek içün Qara deñizde bulunmağa devam etecek».
Büyük Britaniya Mudafaa naziirligi, Rusiye haber vastalırınıñ iyünniñ 23-nde Qırımda Fiolent burnu civarında Rusiye devriye gemisi Büyük Britaniya Arbiy-deñiz flotunıñ HMS Defender raketa eskadron mina taşıyıcısına tenbi ateşi açqanı ve Su-24M bombardıman uçağı ise tenbi bombalar atqanı aqqında haberleri tefsir etti.
Rusiye TİN matbuat kâtibi Mariya Zaharova, HMS Defender eskadron mina taşıyıcısınen yüz bergen adise aqqında haberler sebebinden Britaniya elçisini çağıracaqlarını bildirdi.
Bugün, Qırımda Fiolent burnu civarında Rusiye devriye gemisi Büyük Britaniya Arbiy-deñiz flotunıñ HMS Defender raketa eskadron mina taşıyıcısına tenbi ateşi açtı, Su-24M bombardıman uçağı ise tenbi bombalar attı.
Ukraina TİN başı Dmıtro Kuleba, Rusiye devri gemisiniñ Fiolent burnu civarında Büyük Britaniya Arbiy-deñiz flotunıñ HMS Defender raketa eskadron mina taşıyıcısına tenbi ateşi açılğanı aqqında matbuattaki haberge cevap berdi.
İyünniñ 21-nde, bazarertesi künü, Odesada Büyük Britaniya Arbiy-deñiz flotunıñ HMS Defender raketa eskadron mina taşıyıcısında Ukraina Mudafaa naziriniñ muavini Alekesandr Mironük ve Büyük Britaniya Mudafaa satın almalar meseleleri naziri Ceremi Kvin Birleşken Qırıllıq ve Ukraina ADQ arasında deñiz işbirligi leyhası aqqında memorandum imzaladılar.
İyünniñ 18-nde Odesa limanına eki NATO gemisi kirdi. Büyük Britaniya ADQ-niñ «Defender» eskadron mina taşıyıcısı (HMS Defender, D36) ve Felemenk ADQ-niñ «Evertsen» Ava mudafaası fregatı (HNLMS Evertsen, ili Zr.Ms. Evertsen, F805).
İyünniñ 23-nde Rusiyeniñ ABD-deki elçiligi Birleşken Devletlerni ve olarıñ ittifaqdaşlarını Qara deñizde arbiy talimlerde iştirak etmemege çağırdı.
