Volodımır Dantes ukrayınalı rustilli yırcı, tele ve radio alıp barıcısı, 2000 seneleri meşur olğan "DiO.filmı" gruppasınıñ sabıq iştirakçisidir. Özü Harkivdendir. Qırım.Aqiqatqa Volodımır Dantes, o, Rusiyeniñ onı, rustilli ukrayinalı yeudiyni nasıl "denatsifikatsiya" etecegini ve kimden qurtaracağını añlamağanını ayttı.
Harkivli Volodımır Dantes Rusiye Ukrayinağa büyük cenk ile kelgende ne is etkenini hatırlay. Onıñ sözlerine köre, qorqu yoq edi. Amma Rusiye ordusı yırcınıñ tuvğan Harkiv şeerini bombalamağa başlağanda o ağlap yibergen.
Menim, ukrayinalı yeudiyniñ bir büyük suali bar: kimni mında denatsifikatsiya etmek?
– Martnıñ 1-nde, Harkivde şeer merkezine urıp başladılar. Bu menim tuvğan şeerim. Harkivge ücüm etip, onıñ denatsifikatsiyasını başlağanları... kerçekmi? Sıñır yanındaki eñ yaqın qomşularnı? Anam Belgorodlıdır. Menim, ukrayinalı yeudiyniñ bir büyük suali bar: kimni mında denatsifikatsiya etmek? Aqlımdadır, men o vaqıt dümen başında edim, patlavlar körlim ve titremege başladım.
Rusiyeniñ Ukrayinağa keniş mfqyaslı istilâsınıñ ilk künlerinde Dantes diger ukrayinalı artistler ile beraber rusiyeli zenaatdaşlarına muracaat etti. Olarnı susmamağa, halqqa cenk aqqında aqiqatnı aytıp bermege çağırdı. Amma olarnı eşitmediler.
– Añlağanıma köre, bazı zenaatdaşlarım soñra, Rusiyeni terk etken soñ bir şeyler aytıp başladılar. Adekvat adamlar, yazıq ki, amma olar pek az, memleketleri yapqanına özleri şaşqandırlar, dep tüşünem. Menim anda dostlarım bar ve olar er kün yazıp, afu soray ediler. Amma esas kütle qorqadır, dep tüşünem.
Volodımır Dantes 2014 senesi Qırım işğal etilgen soñ yarımadağa barğanını ayttı. Artistni Rusiye sıñırcılarınıñ nezaretinde olğan memuriy sıñır açuvlattı. O, Qırımğa neşe ketkeni rus sıñırcılarına ne içün aytıp bermek kerek olğanını añlay edi.
Butün balalığım Qırımda keçti. Er yaz anda kelip, çalışa edim. Bu menim toprağım
– Butün balalığım Qırımda keçti. Er yaz anda kelip, çalışa edim. Bu menim toprağım, men bütün ömrümni anda keçirdim. Qırımğ qatnamaqnı devam etmegşe istey edim, amma ğaliba 2015 senesinden berli men anda barmadım. Eki kerek anda barğan edim, amma şu sıñır menim pek açuvlattı. Ve men özüme dedim ki, rus sıñırcılarına nege evge ketkenimni artıq demege istemeyim.
Dantes, Rusiyeniñ Ukrayinadaki arbiy ameliyatını desteklegen ya da Rusiye ordusı Ukrayina şeerlerini bombalağanına inanmağan qırımlılarnı añlağanını dey.
Yarımada Ukrayina qısmıdır
– Sekiz yıl içinde öz adamlarına qarşı cenkleşmege ketken nesil nasıl peyda olğanını añlamayım. Qırımdan bizge qarşı cenkleşmege ketkenler - ukrayinlerge ukrayinler qarşı. Adamlar, siz mında kelgen rus arbiylerinden daa betersiz. Yarımada Ukrayina qısmıdır. İnanam ki, ruslar ukrayin topraqlarından ketmesi içün aytışmalar olacaq. Bunı afu etmek mümkün degil.
Yırcı, şimdi de Qırımda raatlanmaq içün barmağa arzu etkenini ayta. Amma aynı zamanda qayd ete ki: Qırım daima Ukrayinanıñ edi. "Yarımada bu kiçik Ukrayinadır", - dey Dantes.
Qırım menim içün kiçik Ukrayinadır
– Qırımğa ratlıqqa ketmek menim büyük arzumdır. Onı dünyanıñ eñ güzel yerlerinden biri kibi sayam. Biraz baqılmağan olğanına ıncına edim, amma Qırımnı seve edim! Çöl tarafını da begenem, Kezlevni de, Gurfzufnı da, Tarhankutnı da. Qartbabam Livadiyada yaşay edi, anda barmağa ister edim. Qırımda çoq soy-sopım bar edi. Qırım menim içün kiçik Ukrayinadır. Anda em çöl, em dağlar, em deñiz bar. Qırım Ukrayinanıñ olmağa devam ete. Sadece bu añlaşılmağan sıñır bar, rus arbiyleri anda artıq işleri olmağanını añlağan soñ keterler.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
