Rusiye nezaretindeki Aqmescit (Simferopol) Merkeziy rayon mahkemesi, arbiy yedekelerniñ saqlamasında qabaatlanğan qırımtatar faali Edem Bekirovnıñ sıñırlama tedbirini SİZOda tutulmasından, mahkemege kelmek vadesine deñiştirdi.
Bunı, advokatlar Aleksey Ladin ve İslâm Velilâyevge atıf etip, Qırım.Aqiqat mühbiri bildire.
Avgust 23-ünde qırımtatar faali Edem Bekirov, bir künde eki kere tibbiy baqmasını yapmaq içün Semaşko adına hastahanege alıp çıqtılar.
Avgustnıñ 27-sinde Qırımda faal Edem Bekirovnı hastahanege qoyacaq olalar. Ukraina ombudsmeni Lüdmila Denisova Facebookta yazğanı kibi, Bekirovnı Cumhuriyet Nevrologuya hastahanesine qoyacaqlar ve 7-8 kün devamında baqacaqlar.
Daa evel Rusiye nezaretindeki Qırım Yuqarı mahkemesi, Bekirovnıñ Yañı Qapığa (Krasnoperekopsk) etapını lâğu etti.
