Link açıqlığı

Saatnıñ esas haberi

Kyivde qırımlı siyasiy mabüslerniñ qorantalarına qoltutmaq maqsadınen «Yardım qolu» hayriye aktsiyası ötkerilecek


Anife Kurtseitova
Anife Kurtseitova

Kyivde sentâbrniñ 15-nde Yaroslav Mudrıy Milliy kütüphanesinde Qırım ve qırımtatar halqınıñ tarihı boyunca derslik taqdim etilecek ve qırımlı siyasiy mabüslerge qoltutmaq maqsadınen «Yardım qolu» hayriye aktsiyası keçirilecek.

Bu aqta qırımtatar faali Anife Kurtseitova Facebook saifesinde bildirdi.

«Qırım ve qırımtatar mevzusında kitaplar, hatıralıq, qırımtatar tatlılarınıñ satışından qazanılacaq para Qırım yarımadasında siyasiy sebeplerden taqip etilgen faallerniñ qorantalarına berilecek. Hayriye tedbiri Ukraina cemiyetiniñ Qırımnıñ Rusiye işğaline qarşı tirenüviniñ birdemligini köstere», – dep aytıla haberde.

Tedbirni «Qırım evi», Qırımtatar Milliy Meclisi, IOSJ Ukraine hayriye teşkilâtı ve «Qırım ailesi» cemaat teşkilâtı teşkil ete.

Kyivdeki «Qırım evinde» apiske alınğan qırımlılarnıñ qorantalarına qoltutmaq içün bediiy-aq qorçalayıcı tedbir olıp keçti.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Rusiye apsinde tutulğan qırımlılar

2014 senesi baarde Qırımnıñ Rusiye işğalinden soñ yarımadada Rusiye quvetçileri mustaqil jurnalist, vatandaş faalleri, qırımtatar milliy areketiniñ faalleri, Qırımtatar Milliy Meclisiniñ azaları ve Rusiyede yasaqlanğan «Hizb ut-Tahrir» ve «Tebliğ Cemaatı» teşkilâtlarınen alâqaları bar olğanından şübheli sayılğan insanlarnı apiske alıp başladı.

Ukraina Yuqarı Radasınıñ İnsan aqları vekâletlisi Lüdmila Denisovanıñ kâtibiyeti 2020 senesi noyabr ayında Rusiye tarafından siyasiy sebeplerden taqip etilgen insanlarnıñ sayısı 130 ola, dep bildirgen edi.

Qırım aq qorçalayıcı gruppasınıñ malümatına köre, 2020 senesi oktâbr ayınıñ soñuna qadar eñ az 110 kişi Qırımda siyasiy sebepli ya da diniy cinaiy taqipler çerçivesinde azatlıqtan marum etildi.

Siyasiy mabüslerge qol tutuv programmasınıñ reberi, «Memorial» aq qorçalayıcı merkeziniñ şura azası Sergey Davidisniñ bildirgenine köre, merkezleriniñ cedvelinde 315 insan bar, 59-ı – qırımtatarıdır.

Aq qorçalayıcılar ve advokatlar bu cinaiy davalarnı siyasiy, milliy ya da diniy sebeplerden taqip dep adlandıra. Rusiye akimiyeti bu sebeplerni inkâr ete.

XS
SM
MD
LG