Qırım Muhtar Cumhuriyetiniñ prokuraturası ve politsiyası "qırımtatar faalleriniñ evlerinde qanunsız tintüvler" sebebinden cinaiy davanıaçtı. Bunı müessiseniñ matbuat hızmeti bildire.
Qırımtatarlarnıñ evlerinde qanunsız tintüvler vaqtında evniñ toqunılmazlığı bozulması faktı ile bağlı cinaiy davanıñ açılğanı bildirile.
Prokuraturanıñ malümatına köre, avgust 31-inde saba Seyitler rayonında "Qırım birdemligi"niñ jurnalisti, "Grani.ru" mühbiri Ayder Kadırovnıñ evi tintildi. Bundan ğayrı Seyitler Vaqıf (Razlivı) köyünde Seyitler soqağında tintüv yapılğanı haber etile edi. Onıñnen beraber İçki rayonında (İçki qasabası, Zolotovo soqağı) Enver Topçınıñ ve Sudaqta (Çalaş Smail soqağında) faal Ridvan Ümerovnıñ evi tintildi.
Avgust 31-inde saba FSB idaresine alınğan Seyitler rayonından faal Ayder Kadırovnıñ qadını, evde tintüv yapılmağanını haber etti, amma aqayınıñ ukrain pasportını aldılar ve özüni Aqmescitke sorğuğa alıp kettiler.
Rusiye quvetçileri bu vaziyetni açıq tefsir etmey.
