Link açıqlığı

Saatnıñ esas haberi

Ukraina Tış işler nazirligi Qırımda keçirilgen yañı tintüv ve tutuvnı tefsir etti


Emine Ceppar
Emine Ceppar

Ukraina Tış işler nazirligi Rusiyeni işğal altındaki Qırımda «siyasiy repressiyalarnı toqtatmasına» çağıra. Bu aqta Ukraina Tış işler naziriniñ birinci muavini Emine Ceppar Kefede qırımtatarı Kurtumer Çalgozovnıñ evinde keçirilgen tintüvni tefsir etip, Twitterde yazdı.

«Vaqtınca işğal etilgen Qırımda qırımtatarlarnıñ evlerinde – daa bir qanunsız tintüv 23 yaşında Kurtumer Çalgozovnıñ tutuluvınen ve belli olmağan yerge alıp ketirilüvinen yekünlendi. Onı yibermezden evel Nariman Celâl ve ağa-qardaş Ahtemovlarnıñ davası boyunca sorğuğa çektiler. Halqara uquq normalarına köre, işğalci devlet olaraq Rusiye vaqtınca işğal etilgen Qırımnıñ yerli ealisine qarşı siyasiy repressiyalarnı acele toqtatmağa ve Nariman Celâl, Asan ve Aziz Ahtemovlar ve qanunsız tutulğan bütün Ukraina vatandaşlarını acele azat etmeli», – dep aytıla haberde.

Hatırlatamız, dekabrniñ 14-nde Primorskiy qasabasında (Kefe) Rusiye quvetçileri 23 yaşında qırımtatarı Kurtumer Çalgozovnı tutıp, belli olmağan tarafqa alıp ketti. Onıñ cep telefonı alındı. Tintüv vaqtında Çalgozovlar qorantasınıñ bütün azaları evde edi – baba, ana, Kurtumer ve kiçigi 7 yaşında olğan eki qız qardaşı. Daa soñra berilgen malümatqa köre, Çalgozov evge yiberildi. Rusiye quvetçileri onı Nariman Celâl ve ağa-qardaş Ahtemovlar qabaatlanğa «Anğara köyündeki gaz borusında diversiya» aqqında sorğuğa çekti.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Anğara köyündeki «gaz borusında diversiya» davası

Sentâbrniñ 3-4-nde Qırımda Rusiye quvetçileri tintüvler keçirip, beş insannı tuttı. Olar arasında qırımtatar siyasetçisi ve faali Nariman Celâl bar. Eki doğmuş qardaşlar Aziz ve Asan Ahtemovlar eki ayğa apiske alındı, Azizniñ babası Eskender Ahtemov 10 künge apiske alındı. Asan Ahtemovnıñ qardaşı Arsen 15 künge apiske alındı. Kreml kontrolindeki Kiyev rayon mahkemesi qırımtatar siyasetçisi ve faali Nariman Celâlnı eki ayğa – noyabrniñ 4-ne qadar apiske aldı. Nariman Celâl bütün qabaatlavlarnı inkâr ete.

Sentâbrniñ 7-nde TASS Rusiye malümat agentilgi Rusiye FSB-sine atfı etip, Aqmescit civarındaki Anğara (Perevalnoye) köyü yaqınlarında gaz borusında diversiya yapqanından şübheli sayılğanlar qabaatını itiraf etkenler, dep bildirdi. FSB yayınlağan videoda eki ekrek kimden talimat alğanlarını ve Anğara köyünde gaz borusınıñ patlatılmasını nasıl teşkil etkenlerini tafsilâtlı aytıp berdi.

FSB, diversiyanı Ukraina Mudafaa nazirliginiñ Baş istihbarat idaresi teşkil etti, dep israr ete.

Ukraina Mudafaa nazirliginiñ baş istihbarat idaresi Rusiye FSBsiniñ qabaatlavını «bir maqsadı olğan provokatsiya» olaraq köre.

Ukraina akimiyeti qırımtatar faalleriniñ tutuluvı ve apiske alınuvını avgustnıñ 23-nde Kyivde keçirilgen «Qırım platformasınıñ» sammitinen bağlay.

Ukraina ombudsmanı Lüdmila Denisova Qırımda insanlarnıñ apiske alınması sebebinden BM İnsan aqları Yuqarı komissarı Michelle Bacheletke muracaat etti.

Sentâbrniñ 3-4-nde Qırımdaki faallerniñ evlerinde keçirilgen tintüvler ve tutuvlardan soñ Qırım Muhtar Cumhuriyeti ve Aqyar prokuraturası cinaiy tahqiqat başlattı.

XS
SM
MD
LG