2014 senesinden evel Qırımda Ukraina mustaqillik künü ve diger devlet bayramları qayd etilgen edi. Şimdi ise yarımadada vatanperverlikni ve Ukraina sevgisini köstermek telükeli ola.
Qırımnıñ Rusiye akimiyeti Qırım işğalinden soñ yarımadağa «milletlerara barışıq» keldi, dep bildire. Lâkin 2014 senesinden başlap aq qorçalayıcılar ve tedqiqatçılar Qırımda ukrainalılarğa qarşı basqılarnı sıq-sıq qayd ete. Olarnıñ arasında – ukrain tilli tasilniñ yoq etilüvi, ukrain cemiyetleri ve kilseleriniñ taqip etilüvi, etnik ukrain ve Rusiyeniñ Qırım işğaline razı olmağanlarğa qarşı informatsion-psihologik basqı.
Qırımda Ukraina bayraqları, timsalleri ve levhaları qalmağan kibi körüne bile. Amma bu da ilk baqış, işte. Yahşı baqsañ, yarımadada soqaqlarında Ukraina vatanperverliginiñ «gizli» kösterüvleri sıq-sıq qayd etile. Ukraina Mustaqillik künü munasebetinen Qırım.Aqiqat olarnıñ fotoresimlerini toplap derc etti.
Facebook Forum