KEFE – «Zafer künü» de keldi. Kefede suvuq ve sılaq, amma pensionerler «Ebediy alevge» kene de keldi. Çoq degil, bir yüz kişi, belki, daa ziyade, çünki kelip, birden kete ediler – ava kelişmey. Qartbabasınıñ fotosüretinen bir emce bar edi – «Ölümsiz polk» ğayesi bir şeyler uyandırdı. Amma anda böyle tek bir insan bar edi.
«Ebediy alev» çeçek tolu – esasen erılğan ve lâle. Ayrı aytayım, kitellerde sıra-sıra turğan, paradlarda nişan ve medallernen olğan bu «veteranlar» er vaqıt şübhe doğura edi. Saymağa teklif etem: 1941 yaşında 17 yaşında olsa, cenk başlağanından 82 yıl keçti. Sayamız: cenk veteranı 99 yaşında olacaq. Yoq, üç yılnı çıqarmaq kerek, belki, 1944 senesi cenkke ketti. Kene de arabaçıqta olacaq. Barmı öyle soyları? Belki, bar bir yerde de. Amma bir qolnıñ parmaqlarınen saymaq mümkün. Qalğanları – ya «afğanda olğanlar», ya da «medal taşıyıcıları», yaqınları bile öyle ayta: kilogrammlarnen medal asalar üstüne.
Müsbet tarafı: şeerde uçaqlar uçmay. Adet üzre Çavda ve Kefede künde 3-4 dane, üç künden berli ise tınç ve raat.
Uçqannıñ sesinden añlaymız – ava mudafaasımı ya da başqa bir şeymi
Uçucısızlar aqqında. Pek qarışıq bir vaziyet. Mına uçtılar, mına bir şeyler urıp tüşürildi. Amma parçaları tapılmay. Uçucısız kimge ait, kim uçurdı, qaydan – añlaşılmay. Ya da bir künden soñ ava mudafaa sisteması olmağanını, Qırımnıñ Yedi Quyu rayonında Ulu vatan cenkiniñ snarâdları yoq etilgenini bildireler, – ve «qasevetlenmeñiz, vatandaşlar!». Amma vatandaşlar da deli degil, uçqannıñ sesinden añlaymız – ava mudafaasımı ya da başqa bir şeymi.
Şimdi ise qazıcılarğa Qırım şimalinde okop qazğanda yaralansala, 200 biñer ruble vade eteler. Yengil yaranlansalar, yarısını. Öz ayağına ateş açmaq içün sebep bar.
Mayıs mevsimi olmadı, turistler kelmedi, amma yazda, belki
Qırım akimiyeti ise yarımadanı yazğa qadar tertipke ketirmege çağıra. Ebet, mayıs mevsimi olmadı, turistler kelmedi, amma yazda, belki… «Kiralıq oda» levhalı tizeler de yoq, – boş-boş oturacaqlarmı? Ne yazıq ki, bu yaz Rusiye ve Qırım arasındaki deñiz seferleri de lâğu etildi, «Knâz Vladimir» gemisi de kimseni Qırımğa alıp ketmeycek. Telükeli!
Ve Qırım köprü qapatılacaq, dep ağlanalar. Beklenmegen bir şey. Amma onı yıqacaqlar ve bir köpür qalmaycaq dep qorqsalar, qorqular doğru. Lâkin turistik şirketler istemeyip ayta, Qırım kurortlarında çoq insan beklemege kerekmey.
Yalı kenarı şimdilik boş, plâj kiracıları bile şemsiyelerini açmadı, – kerekmi?
Armen Haçaturov, kefeli bloger (müellifniñ adı ve soyadı telükesizlik maqsadınen deñiştirildi)
«Bloglar» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
MALÜMAT: Ukrayınağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Aprelniñ başında Moskva Ukrayına şimalinde faal olğanını toqtattı, dep bildirdi. Tezden Ukrayına akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayınağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.