Azatlıq Radiosınıñ saytı blok etilgen territoriyalar içün bağlantı
Ukraina Tış işler naziri Dmıtro Kuleba
Kyivde avgustnıñ 23-nde «Qırım platforması» sammiti çerçivesinde dört mevzulı panel yapmağa planlaştırıla. Bu aqta Ukraina Tış işler naziri Dmıtro Kuleba avgustnıñ 2-nde Ukraina Mustaqilliginiñ 30 yılını qayd etüv programmasını taqdim etip ayttı.
Onıñ bildirgenine köre, planlaştırılğan paneller böyle ola:
Qırım ilhaqı ıntıluvınıñ qabul etilmemesine dair;
Azaq ve Qara deñiz regionınıñ askeriyleştirilüvine dair;
İnsan aqları ve turğun inkişaf vastasınen Qırımnıñ reintegratsiya yollarına dair;
Ukraina prezidenti ofisiniñ reber muavini İğor Jovkva «Qırım platforması» boyunca halqara sammit Ukrainada 2021 senesi avgustnıñ 23-nde olacaq, dep bildirgen edi.
Rusiye Tış işler nazirliginiñ spikeri Mariya Zaharovanıñ aytqanına köre, Rusiye tarafı Ukraina teşebbüsinen keçirilecek Qırım platformasında iştirak etmege azır, amma meydançıqta yarımada problemleri muzakere etilmeli – suv teminlevinden naqliyatqa qadar.