Link açıqlığı

Saatnıñ esas haberi

«Qırım platforması»: ABD ukrainleri Qırım doktrinasını derc etti


Aman-aman 2 million ukrain asıllı amerikalınıñ eñ büyük temsiliy teşkilâtı olğan Amerikanıñ ukrain kongressi komiteti (UCCA) avgustnıñ 23-nde Kyivde keçirilmesi planlaştırılğan «Qırım platforması» sammiti arfesinde Qırım doktrinasını derc etti.

Ukraince, inglizce ve qırımtatarca taqdim etilgen Qırım doktrinası «Qırımnıñ Rusiye tarafından qanunsız işğal etilüvini kesen-kes red ete ve Ukraina topraq bütünligi ğayrıdan tiklengenine qadar bu siyasetke riayet etüv mecburiyetini ala».

Doktrinada qararlı bir şekilde takbih etilgen areketler:

  • Rusiyeniñ tamır qırımtatar halqını temsiliy organı olğan Meclissiz qaldırmaq ıntıluvları;
  • Qırımdaki vatandaşlarğa Rusiye pasportlarınıñ kütleviy berilüvi;
  • Rusiyeniñ arbiy tehnikanı arttıruvı, şu cümleden Qırımda yañı suvastı gemileri, suv üstü arbiy tehnika, cenk uçaqları ve diger arbiy tehnikanı yerleştirüvi.

«Şunıñ içün UCCA halqara cemiyetni Ukrainanıñ Rusiye tarafından qanunsız işğal etilüvini takbih etüvni quvetleştirmesine ve Ukraina topraq bütünligini ve Qırımda uquq üstünligini ğayrıdan tiklemesine bağışlamağa çağıra. Qırım halqına esas insan aqlarınıñ qaytarılacağına dair yekâne ümüt Rusiye arbiy işğaliniñ toqtatıluvı ola», – dep qayd ete teşkilât.

Avgustnıñ 13-nde Dmıtro Kuleba «Qırım platforması» sammitiniñ iştirakçi sayısı 42 oldı, dep bildirdi.

Ukraina prezidenti ofisiniñ reber muavini İğor Jovkva «Qırım platforması» boyunca halqara sammit Ukrainada 2021 senesi avgustnıñ 23-nde olacaq, dep bildirgen edi.

Ukraina Tış işler naziriniñ birinci muavini Emine Ceppar Qırım.Aqiqat Radiosınıñ yaynında, kelecek yılnıñ mayıs ayında keçirilmesi planlaştırılğan yarımadanı işğalden azat etüv «Qırım platforması»sammitiniñ neticelerine köre muvafıq beyanname qabul etilecek, dep bildirdi.

Avgustnıñ 12-nde Kreml kontrolindeki Qırım Nazirler şurasınıñ reis muavini, Rusiye prezidenti yanındaki Qırım vekili Georgiy Muradov «Qırım platformasınıñ» iştirakçilerini «ağır aqibetler» bekley, dep bildirdi.

Rusiye Tış işler nazirliginiñ spikeri Mariya Zaharovanıñ aytqanına köre, Rusiye tarafı Ukraina teşebbüsinen keçirilecek Qırım platformasında iştirak etmege azır, amma meydançıqta yarımada problemleri muzakere etilmeli – suv teminlevinden naqliyatqa qadar.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Qırımdaki «Hizb ut-Tahrir davaları»

«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG