Saatnıñ esas haberi

Kuleba, daa bir Avropa memleketi «Qırım platforması» sammitinde iştirak etmege razı oldı, dep bildirdi

Ukraina Tış işler naziri Dmıtro Kuleba
Ukraina Tış işler naziri Dmıtro Kuleba

Ukraina Tış işler naziri Dmıtro Kuleba daa bir Avropa memleketi keçirilüvi avgustnıñ 23-ne planlaştırılğan «Qırım platformasınıñ» sammitinde iştirak etmege razı oldı, dep bildirdi.

«Daa bir Avropa memleketi «Qırım platforması» sammitinde iştirak etecegini tasdıqladı. İştirakçi sayısı 34-ke qadar arttı. Platformağa kösterilgen destek arta, biz ise yañı-yañı memleketlerni celp etmek içün çalışmağa devam etemiz», – dep yazdı Kuleba avgustnıñ 9-nda Twitterde.

Keçken afta Kuleba daa bir prezident Kyivge «Qırım platforması» sammitine kelmege razı oldı, dep bildirgen edi.

Avgustnıñ 9-nda Ukraina prezidenti Volodımır Zelenskıynıñ matbuat kâtibi Sergey Nikiforov Almaniya kantsleri Angela Merkel mezkür sammit arfesinde, avgustnıñ 22-nde Kyivge kelecek, dep ayttı.

Almaniya tarafı bu malümatnı resmiy şekilde daa izaatlamadı.

Ukraina prezidenti ofisiniñ reber muavini İğor Jovkva «Qırım platforması» boyunca halqara sammit Ukrainada 2021 senesi avgustnıñ 23-nde olacaq, dep bildirgen edi.

Rusiye Tış işler nazirliginiñ spikeri Mariya Zaharovanıñ aytqanına köre, Rusiye tarafı Ukraina teşebbüsinen keçirilecek Qırım platformasında iştirak etmege azır, amma meydançıqta yarımada problemleri muzakere etilmeli – suv teminlevinden naqliyatqa qadar.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

​
XS
SM
MD
LG