Link açıqlığı

Saatnıñ esas haberi

Qırımda 348 yañı koronavirus hastası qayd etildi – akimiyet


Koronavirus pandemiyası vaqtında Kezlev ekimleri, 2020 senesi oktâbr ayı (nümüneviy resim)
Koronavirus pandemiyası vaqtında Kezlev ekimleri, 2020 senesi oktâbr ayı (nümüneviy resim)

Keçken künü Qırımda 348 koronavirus hastası qayd etildi. Bu aqta Rusiye kontrolindeki Qırım yolbaşçısı Sergey Aksenov bildirdi.

«286 hasta tibbiy yardım içün muracaat etkende qayd etildi, 56 kişi daa evel qayd etilgen hastalarnen alâqada oldı, 6 hasta çetelden keldi», – dep aytıla Aksenovnıñ içtimaiy ağlarındaki saifelerinde derc etilgen haberinde.

İyülniñ 8-nde Qırımda 342 yañı koronavirus hastası qayd etildi.

Qırım Sağlıq nazirliginiñ malümatına köre, bir künde 8 koronavirus hastası qayd etildi, pandemiya vaqtında ise 1574 kişi keçindi.

Qırım ve Aqyardaki Rospotrebnadzor idaresiniñ yolbaşçısı Natalya Penkovskaya bildirgenine köre, keçken afta koronavirus yuqunçından vefat sayısında antirekord qayd etildi. Qırımda esasen ind ştammı tarqala.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

COVID-19 koronavirus yuqunçı

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG