Roskomnadzor, Rusiye Federatsiyasında ve Rusiye işğal etken Qırım yarımadasında Qırım.Aqiqat saytını (hususan krymr.com rus tilli saytını) blok etmege vade ete. Serbest Avropa Radiosı/Azatlıq Radiosı media şirketi bu areketlerni devletniñ söz serbestligine qarşı ücüm, halqara qanunlar, Rusiye Anayasası, kütleviy haber vastaları, malümat reqabeti qaideleriniñ bozuluvı dep saya.
Blok etilse, bizim saytımız kene de açıq qalacaq: bizni oqumaq, seyir etmek ve diñlemek içün neler yapılmalı tarif etemiz.
1. Cep telefonı qullanımı
Qırım.Aqiqatnıñ yañı cep telefonı qullanımı bar. Bedavadır. RFE/RL qullanımını cep telefonıñızğa/smartfonıñızğa ya da planşetiñizge (Android mında, iOS mında) endirip, rusça, ukraince ya da qırımtatarca saylañız.
2. İçtimaiy ağlar
İşimizni taqip etmek içün eñ qolay ve eñ müim yoludır. Qırım.Aqiqat aman-aman bütün içtimaiy ağlarda bar. Şimdi abune oluñız!
3. Qırım.Aqiqat Radiosınıñ blok etilüvini nasıl yeñmek mümkün?
Blok etüvni yeñüv usulları pek çoq, umumen episi aynı: qullanıcı Rusiyeden (ya da işğal etilgen Qırımdan) degil de, başqa memleketten ya da tamamen gizli kirgenini köstermege imkân bere. Rusiye çetel qullanıcı kibi kirgenlerge çetel serverlerini açmağa yasaqlap olamay. Blok etüvni yeñüv serviske doğrudan kirüv degil de, diger servisler vastasınen kirüvden ibarettir.
Bunıñ bir sıra aleti bar. Em mahsus internet brauzerleri (Tor ve bir çoq analogı) ve Proxy-ağlar (olarnı adet üzre belli bir serviske, meselâ, Telegramğa kirmek içün qullanalar) ve qullanıcınıñ bütün trafikini gizli şekilde ara virtual ağdan keçirgen VPN (Virtual Private Network) qullanımları (olarnı qayd oluv talap etilgen resurslarda qullanmaq daa doğru) bar. Bu aletlerniñ bazıları cep telefonı ve bilgisayarlar içün ayrı qullanımlar olaraq çalışa, digerleri brauzerler içün plagin olaraq çalışa.
ABD yayınlav meseleleri idareciler şurası (ABD Kongressinden maliye alğan diger memleketlerdeki kütleviy haber vastalarınıñ, hususan Azatlıq Radiosınıñ vasiyi) mahsus yapılğan Bypass Censorship saytında böyle aletlerniñ bağlantısını yerleştirdi.
Anda altı bedava qullanım kirdi:
Tor – bütün dünyada göñülliler tarafından idare etilgen ve gizli ağ bağlanuvını qurmağa imkân bergen proksi-server tarqatuv sistemasından qullanıcınıñ trafikini keçirgen bir brauzer.
Psiphon – VPN tehnologiyasını qullanğan bir qullanımdır. Psiphon-müşteri tsenzuranı atlav imkânlarını mümkün olğanı qadar çoq arttırğan yañı irişim noqtasını avtomatik olaraq tapa, amma gizlilik temin etmey.
Orbot – proksi-qullanımdır.
Orfox – Tor brauzeriniñ analogı, çeşit memleketlerde bulunğan serverler zıncırından qullanıcınıñ trafikini keçire. Tek Android ile çalışa.
FreeBrowser – qoşma bir sazlav talap etmegen blok etüvni atlav sisteması olğan internet-brauzeridir. Onı Qıtay qullanıcıları tsenzuranı atlamaq içün qullana. Tek Android.
Lantern – çeşit memleketlerde qullanımnıñ diger qullanıcılarınıñ ağ bağlanuvlarını qullanğan blok etüvni atlav sistemasıdır.
Bu qullanımlar bedavadır, internet saifeleri blok etilse, Lantern (team@getlantern.org) ve Psiphon (get@psiphon3.com) elektron poçta vastasınen talap etile bile.
Bu qullanımlardan ğayrı, brauzerniñ imkânlarına diqqat etmekte fayda bar. Bugünki künde eñ populâr brauzer olğan Google Chrome içün bir qaç anonimayzer: RusVPN, Ininja, ZenMate VPN. Bular bedava qullanıla bile, amma daa keniş funktsiyalı versiyalarğa para tölep abune olmaq mümkün.
4. Qırım.Aqiqatqa abune oluñız
Qırım.Aqiqat er bazarertesi kününiñ sabası aftanıñ eñ populâr ve eñ müim haberlerini yollay. Saytımız blok etilse bile, haberlerimiz e-mail vastasınen kelecek. Mında abune olmaq mümkün. Abune olmaq bedavadır.
Daima biznen qalıñız! Qırımda başqaları aytıp olmağan şeylerni aytmaq ve yazmaqtan qorqmaymız.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net/: . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
