Qartbabadan sevgi ile. Volodımır Baluhnıñ torunına Kyivden vışıvanka yiberdiler (video)

Volodımır Baluh, tornu Timofeyge vışıvanka yollamağa öz advokatı Olga Dindzege rica etti. Faaller ve uquq qoruyıcılar, onıñ ricasını yerine ketirmek içün Kyivde toplandı. Küçük Timofeyge ilhaq etilgen Qırımğa vışıvankanı yolladılar. "Eminmiz ki, yaqın vaqıtta Timofey, vışıvankasını kiyip, Volodımır Baluhnı evde qarşılacaq", - dedi Qırım uquq qoruyıcı gruppasınıñ koordinatorı Olga Skrıpnik. Daa faaller, Baluhnı ruhtan tüşmeyip, ayatı ile serbestligi içün küreşsin dep, oña qol tuttılar. 2013 senesi qışta Baluh Qırımda öz azbarında Ukraina bayrağını astı, keççe "Cennetli yüz qaraman soqağı" dep yazdı. 2016 senesi soñunda Rusiye FSB-si hadimleri Volodımır Baluhnı tutıp aldı. Onıñ çardağında patron ve trotil şaşkalarını taptılar, dep ayta ediler. Rusiye nezaretindeki Qırım mahkemesi, oña beş yıllıq apis cezasını maküm etti. Baluh qabaatını tanımadı ve narazılıq kösterip, açlıqnı ilân etti. Belihnıñ imayyesi ve uquq qoruyıcılar, o, Ukraina tarafdarı olğanı içün türmege oğradı, dep saya.