Qırımda Qarasuvbazar rayonınıñ Efendiköyünde (Gruşevka) yanğında eki adam elâk oldı.
Bunı Rusiye FVN-niñ Qırım idaresiniñ matbuat hızmeti bildirdi.
"Qomşular, binanıñ damı yanıp başlağanda tek yanğınnı kördi. Keç körgenleri içün, yanğın binanıñ bütün içerisini qaplap aldı. Dam da eşildi", - denile beyanatta.
Beyanatqa köre, elâk olğanlar - 1959 ve 1940 seneleri doğma qadın ve aqay.
Kezlevde (Yevpatoriya) "Ozero snovideniy" SPA kompleksinde yanvarnıñ 13-ünde saba yanğın oldı. Qurtarıcılar 4 işçi ve 55 müşterini tahliye etti.
Yanvarniñ 12-sinde bazar künü Ay-Petri platosı rayonında eki qatlı tahta bina yandı. Yanğın 50 metr kârege tarqaldı. Yaralanğanlar olmadı.
Kreml tayin etken Qırımdaki Rusiye Fevqulâde vaziyetler nazirliginiñ idare yolbaşçısınıñ muavini Sergey Sadakliyevniñ aytqanına köre, yañı yılnıñ başından yarımada 50 yanğın söndürildi, 28 kişi tahliye etildi.
